Арипов: Лейлекте элге коркунуч жок

Чек ара бекетине болгон кол салуудан улам Лейлек калкынын кооптонуусуна негиз жок. Бул тууралуу “Азаттыкка” Лейлек районунун акими Түлөберди Арипов билдирди. Кечээ кечинде Лейлектеги “Айкөл” чек ара бекетине белгисиз адамдар тарабынан ок атылып, бекеттин начальниги окко учкан. Дагы эки чек арачы жараат алган. Учурда аймакта күчөтүлгөн тартипте иликтөө, издөө иштери жүрүүдө.