Президент Алмазбек Атамбаев "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндөгү" мыйзамга кол койду. Аталган документ "Мамлекеттик чек арасы жөнүндөгү" мыйзамдын кээ бир ченемдерин Евразия экономикалык биримдигинин мыйзамдарына шайкеш келтирүү болуп саналат.
Аталган мыйзам Жогорку Кеңеш тарабынан 2014-жылдын 27-ноябрында кабыл алынган жана Кыргызстан Евразия экономикалык биримдигинин толук мүчөсү болгондон баштап күчүнө кирет. (UEz)
