Бүгүн өткөрүлгөн өкмөт жыйынында Кыргызстандын Евразия экономикалык союзуна кирүүсү боюнча келишимдин долбоору жактырылып, Жогорку Кеңештин комитеттерине жөнөтүлдү. Бул тууралуу өкмөттүн маалымат кызматынан кабарлашты. Маалыматка ылайык, Кыргызстандын ЕАЭСке кошулушу боюнча келишимге эртең Москвада кол коюлат.
Экономикалык интеграциянын алкагында Орусия, Казакстан жана Беларус Бажы биримдигине бириккен. Андан кийин Бирдиктүү экономикалык аймак түзүлүп, 29-майда Астанада жетишилген келишимге ылайык, Евразия экономикалык союзу түзүлүүдө. Бул биримдик 2015-жылдын январынан тарта иштей баштайт. (UEz)
