Чек арада балдар коопсуздугу кандай?
Кыргызстандын Баткен облусунун кошуна Тажикстан менен чек арасынын 70 пайыздан ашыгы али такталган эмес, шарттуу чек ара сызыгы боюнча турат. Чек аралаш айылдарда жашаган тургундар чек араны тактоону тездетип, белгилерди орнотууну, талаш аймактардын маселесин чечүүнү, андагы калктын коопсуздугу үчүн зарыл шарттарды түзүп берүүнү суранып келишет. Баткен облусунун Тажикстан менен чек арасында быйыл жыл башынан бери 36 чыр катталган. Кабарчыбыз Тажикстандын Сурх, Чорку айылдары менен чектешкен Баткен районунун тургундарынан алардын жана балдарынын жеке коопсуздугу тууралуу сураган.