Казакстандын “Луговое” темир жол бекетинде кармалып турган күйүүчү май ташыган вагондор Кыргызстанга өтө элек. Бул тууралуу Нефтетрейдерлер бирикмесинин аткаруучу директору Улан Кулов билдирди.
Мындан мурдараак президент Алмазбек Атамбаевдин казак президенти Нурсултан Назарбаев менен жолугушуусунан кийин вагондор кое бериле баштаганын айрым маалымат каражаттары айтып чыккан.
Орусиядан Казакстан аркылуу Кыргызстанга ташылып келаткан 448 вагон күйүүчү май “Луговое” темир жол станциясында 18-апрелден бери турат. Казакстандын бажысы 30 миң тоннага жакын күйүүчү майдын документи толук эмес деген жүйө келтирүүдө. (UEz)
