Кытайдын аскердик полигонунда 24-августта Шанхай кызматташуу уюмуна кирген мамлекеттердин куралдуу күчтөрүнүн “Тынчтык миссиясы-2014” аттуу аскердик машыгуусу башталды. 29 - августка чейин созула турган машыгууга кыргыз жоокерлери Башкы штабдын жетекчисинин орун басары генерал Жаныбек Капаровдун жетекчилигинде катышууда. Алар Кытайга 10-августта Ош-Гүлчө-Эркеч-Там-Кашкар жолу аркылуу жөнөп кетишкен. Кытайдагы машыгууга жалпысынан 7 миң аскер катышат жана бул уюмдун алкагында өткөрүлгөн эң ири аскердик машыгуу болуп калары айтылган. (AiT)
