Сирияда куралчан дезертирлер аба аскер күчтөрүнүн чалгын базасын аткылашты

Активисттердин айтымында, өкмөттүк аскерлердин ичинде оппозиция тарапка өтүп кеткен куралчан топтор өткөн түнү баш калаа Дамаскка жакын жердеги базага сокку урушкан.

Сириянын аба аскерий күчтөрү президент Башар ал-Ассадка каршы толкунду басууга кеңири колдонулуп келгени айтылууда.

Бир нече күн мурда Сирияны өзүнүн катарынан убактылуу четтетүү тууралуу чечим чыгарган Араб лигасынын мүчөлөрү бүгүн Мароккодо жолугушаары күтүлүүдө.