20-июнда Кыргызстандын Баңги заттарын көзөмөлдөө боюнча мамлекеттик кызматына АКШнын мамлекеттик департаментинин өкүлү Даниэль Розенблюм баштаган делегация келет. Баңги заттарын көзөмөлдөө кызматынан билдиришкендей, Розенблюм АКШ мамдепартаментинин Европа жана Евразия өлкөлөрүнө жардам берүү программасынын координатору. Жолугушууларда Кыргызстандагы баңги заттар багытындагы абал, мамлекеттик кызматтын ишин күчтөндүрүү боюнча сүйлөшүүлөр жүргүзүлмөкчү. (KKs)
