Бул тууралуу “Азаттыкка” Орусиянын Кыргызстандагы элчилигинен тастыкташты. Маалыматка ылайык, борбор эки тараптуу илимий-техникалык, маданий-гуманитардык жана маалыматтык кызматташуу программаларын ишке ашыруу багытында иш алып барат. Анда заманбап жабдуулар менен камсыздалган орус жана кыргыз тилдеринде окуу-методикалык борбору түзүлөт. Орус тили жана адабияты боюнча окутуунун инновациялык ыкмалары үйрөтүлүп, филологдор үчүн мастер-класстар өтөт. Борбордун ачылышы боюнча бүгүн Орусиянын Кыргызстандагы элчиси Валентин Власов маалымат берет. (КЕ)
