Гаити зилзаладан тарткан чыгым өлкөнүн жылдык дүң жыйымынан эки эсе чоң болушу мүмкүн.
Америка аралык банкынын изилдөөсүнө караганда, 12-январда Гаитиде болгон жер титирөө 2004-жылы Индонезияда болгон цунамиден да көп чыгым алып келген. Гаитинин экономикасына апаат алып келген зыян 8 миллиард доллардан 14 миллиард долларга чейин жетиши ыктымал. Дүйнөлүк банктын эсеби боюнча, 2008-жылы Гаитинин ички дүң жыйымы 7 миллиард долларды түзгөн.
