“Мен расмий түрдө премьер-министр Юлия Тимошенкону кызматтан кетип, оппозицияга барыңыз деп чакырам”, - деп айтты Янукович. Бүгүн өлкөнүн Борбордук шайлоо комиссиясы Региондор партиясынын төрагасы Виктор Янукович, жекшембидеги шайлоонун алдын ала жыйынтыктарына ылайык, Тимошенкону 3,5% добуш менен жеңгенин айткан. Украинанын шайлоо комиссиясы соңку расмий жыйынтыкты 17-февралга чейин чыгарышы керек. Бирок бюллетендердин баары саналып бүткөнүн билдирди. Янукович өзү жеңгенин жарыялады. Тимошенко болсо Януковичти “шайлоонун жыйынтыгын бурмалады” деп айыптап, өзүнүн жеңилгенин мойнуна алган жок.
