Италияда мафия тарабынан чөктүрүлгөн кеменин сыныктары табылды. Атайын жабдыктар көргөзгөндөй, анын бортунда 180 баррел уулу заттардын таштандылары бар болуп чыкты. Кеме чөккөн жер мафиянын мурдагы мүчөсү берген маалыматтын негизинде аныкталган. Тергөөчүлөр деңиз алдында дагы 30дай ушундай эле кеме бар болушу мүмкүн деп чочулашууда. Болжол менен мафия аларды 1980-жылдары айлана-чөйрөнү коргоо боюнча катаң мыйзамдар киргизилгенден кийин чөктүрүп жиберген.
