Иран мындан ары дүйнө державалары менен өзүнүн өзөктүк программасы боюнча сүйлөшүүлөрдү жүргүзбөйт. Бул тууралуу Ирандын президенти Махмуд Ахмадинежад билдирди. Тегеранда маалымат жыйынында сүйлөгөн сөзүндө Ахмадинежад “өзөктүк программа тууралуу маселе жабык” деп белгилеп, эми мындан ары Иран бул багытта МАГАТЭ өңдүү тийешелүү уюмдар менен гана сүйлөшүүлөргө катышарын айтты. Британия, Германия, Кытай, Орусия, АКШ жана Франция Иранды өзөктүк программасын токтотууну талап кылып келет.
