Бүгүн парламент жыйынында “Адамдарды сатуунун алдын алуу жана ага каршы күрөшүү жөнүндө” мыйзамына өзгөртүүлөр киргизүү тууралуу долбоор каралып, көпчүлүк депутаттардын колдоосун алды. Мыйзамдын демилгечиси, депутат Туратбек Мадылбековдун “Азаттыкка” айтымында, Кыргызстанда адам сатуу фактылары көбөйүп бараткандыктан бул мыйзам долбоор адам аткезчилигине бөгөт коюп, ага катыштыгы бар адамдарды жазалоо жолун күчөтүүгө багытталган.
АКШнын Мамлекеттик департаментинин адамдарды сатуу фактысы боюнча жылдык баяндарында бир жылда 300-400 чамалуу кыргызстандык адам аткезчилеринин торуна түшүп, кулчулукка сатылып кетээри айтылып келет. (КЕ)
АКШнын Мамлекеттик департаментинин адамдарды сатуу фактысы боюнча жылдык баяндарында бир жылда 300-400 чамалуу кыргызстандык адам аткезчилеринин торуна түшүп, кулчулукка сатылып кетээри айтылып келет. (КЕ)
