«Автожолтейлөө» ишканасынын кампасында сакталып турган бул продукция контрабандалык жол менен келиши толук ыктымал. Азырынча жүктүн ээси табыла элек. "Мындан тышкары алардан куш тумоо илдети чыгабы деп да шектенип жатабыз», - деп билдирди «Азаттыкка» Кара-Суу районунун башкы ветеринардык дарыгери Сүйүн Абдуллаев. Жергиликтүү адистер мындай опурталдуу азык-түлүктөр мурда да чоң көлөмдө кармалып, бирок жиги билинбей кеткендигин айтышууда. Кыргыз Өкмөтү былтыр эле Кытайдан жумуртка жана куш эттерин алып келүүгө тыюу салган. (ATo)
