Бул тууралуу «Жаңы Кыргызстан» партиясынын Баткен облустук бөлүмүнүн төрагасы Алтынбек Мисиралиев 18-декабрда «Азаттыкка» билдирди. Облустук төраганын айтымында, партиянын Кадамжай райондук жана Кызыл-Кыя, Сүлүктү шаардык уюмдары жоюлгандыгы тууралуу протоколдорун облустук бөлүмгө тапшырышты. Аталган бөлүмдөрдө жалпысынан 3,5 миң мүчөсү болгон. Баткен жана Лейлек райондору партиянын 12 миң мүчөсү менен азырынча эч кандай билдирүү берген жок. Бирок булар да жакынкы күндөрү өз чечимдерин чыгарышат, андан ары «Ак жол» партиясына бараар-барбастыгын партиялаштар өздөрү чечишет. (JsA)
