Кожомкул атындагы Спорт ордосунун директору Болот Сулайманов "Азаттыкка" "оппозиция бизге кайрыла элек, кайрылган учурда да Элдик курултай өткөрүүгө мүмкүнчүлүк жок, анткени, 26-ноябрдан баштап беш күн катары менен бул жерде грек-рим күрөшү боюнча маркум Раатбек Санатбаевдин наамында турнир өтөт" деп билдирди.
Бириккен оппозиция 29-ноябрда Элдик курултай өткөрүүгө жай сурап спорт ордосунун жетекчилигине кайрылганын кечээ “Акыйкат үчүн” кыймылынын координатору Аликбек Жекшенкулов “Азаттыкка” маалымдаган. Спорт ордосу жай бербесе Элдик курултайды Эски Ала тоо аянтында өткөрүү болжолдонууда, бул боюнча Бишкек шаар жетекчилигине маалымат берилди деген Жекшенкулов. (BuS)
