Кыймылдын куттуктоосунда экономикалык оор шарттарда иштеп жатышкан мугалимдердин эмгеги эске алынбай, өкмөт тарабынан аларга мыйзамдуу түрдө тиешелүү акысы төлөнүп берилбей жаткандыгы кескин сынга алынган. Ошондой эле куттуктоо ээлери акыркы төрт жыл аралыгындагы инфляцияны эске алуу менен мугалимдердин айлык акысын көбөйтүп төлөп берүүнү, педагогикалык стажга төлөнүүчү кошумча эмгек акынын карызынан 2008-жылдын аягына чейин кутулууну жана өкмөт башчы менен каржы министрин сот чечимин аткарбагандыгы үчүн жоопко тартууну талап кылышкан.(ZKo)
