Экономикалык өнүктүрүү жана соода министри Акылбек Жапаровдун бүгүнкү маалымат жыйынында билдиргени боюнча быйылкы жылы Кыргызстанда инфляция 15,1% көтөрүлдү. Ички дүң продукция 7,4% өстү. Ошол эле учурда пенсиянын базалык бөлүгү 400-450 сомго жогорулап, бюджеттик кызматкерлердин айлык акысы орточо 30% көбөйдү. Министр ошондой эле нан менен күйүүчү майдын баасы дүйнөлүк базарда төмөндөп баштаганы тууралуу да маалымдап, мындан ары күйүүчү майдын баасы дагы арзандашы ыктымалдыгын билдирди. Буга себеп катары Акылбек Жапаров Казакстан бийлигинин күйүүчү майды сыртка чыгарууга салынган тыюуусу 1-сентябрда күчүн жоготконун айтып кетти.(ZKo)
