Бул тууралуу “Акыйкат үчүн” кыймылынын лидерлери бүгүнкү маалымат жыйында билдиришти. Бул курултайда мамлекеттик түзүлүштүн жаңы концепциясы сунушталмакчы. “Ак шумкар” партиясынын төрагасы Темир Сариевдин пикирине караганда, өлкө азыр терең кризиске батууда жана бул үчүн жоопкерчилик толук бойдон бийликтин мойнунда. “Парламенттик шайлоо өтүп, “Ак жол” партиясынын өкүлдөрү Жогорку Кеңештеги көпчүлүк орунду ээлегенине тоугз ай, жаңы конституция кабыл алынганына 10 ай болду. Бийлик мурда реформа жүргүзүүгө бизге тоскоолдуктар болуп жатат деп келсе, эми эч кандай тоскоолдук жок, бирок өлкө терең кризиске кептелүүдө”, - дейт Темир Сариев. (SM)
