Кыргызстандыктардын ар-намыс, абийирин коргоо комитетинин жетекчиси, адвокат Акин Токталиев келерки жумада Биринчи май райондук сотуна доо арыз менен кайрылганы жатат. Буга айт намаздарды өткөрүүчү жайды которуу тууралуу Ички иштер министрлигинин демилгеси түрткү болду. ИИМдин мурдагы министри Болотбек Ногойбаев мындай сунушту өкмөткө министр кезинде жолдоп, анын себебин коопсуздук менен байланыштырган. Анын негизинде дин агенттигинин башчысы Тойгонбек Калматов мындан ары айт намаздар жер-жерлердеги мечиттерде жана жаңы мечит курууга чектелген аймакта өтөрүн муфтиятка эскертти. (BuS)
