Лондон жана Глазгодо террордук акт уюштурууга аракет жасаган деп шектелгендердин үчөө дарыгер болуп чыкты. Алар Лондондо жана Шотландияда машинеге бомба койгон деп айыпталууда. Шектүүлөрдүн бири, кесиби боюнча дарыгер Индиянын жараны Австралияда, Брисбенддеги аэропортто кармалды. Ал 2-июлда кечинде Малайзияга учуп кетмекчи болгон. Бул дарыгерлер Британиядагы оорукканаларда иштеп келгендиги маалымдалууда.
Британияда террордук акт жасоого даярданган деген шек менен кармалган 8 адам суракка алынууда
