Президент Курманбек Бакиев НБТ телеканалына берген интервьюсунда белгилегенине караганда, оппозициянын президентти кызматтан кетирүү талабы мыйзамсыз. Анткени, мыйзам боюнча президент үч гана учурда: өз каалоосу менен арыз жазганда, парламенттик көпчүлүк тарабынан ишеним көрсөтүлбөгөндө жана ден соолугуна байланыштуу гана кызматынан мөөнөтүнөн мурда кете алат. Өз каалоом менен арыз жазуума негиз жок деди президент. Оппозиция нааразылык акцияларына мөөнөтүнөн мурда президенттик шайлоо өткөрүүнү башкы талаптардын бири катары алып чыккан. (BuS)
