Өмүрбек Текебаевге байланыштуу «матрешка» чатагын иликтеп жаткан мамлекеттик комиссия бир айлык ишинин жыйынтыгы боюнча парламентке маалымат бериши керек. Мындай демилгени бүгүн парламент отурумунда депутат Темир Сариев көтөрдү. Президент Курманбек Бакиевдин тапшырмасы боюнча 8-сентябрда мамлекеттик катчы Адахан Мадумаровдун жетегинде мамлекеттик комиссия түзүлгөн болчу. Ал эми парламенттик комиссия ишин «Интерполдун» Казакстандагы бюросунан жана Франциядагы баш кеңсесинен жооп келгенден кийин тыянак чыгарат.(BuS)
