БИШКЕК. Өкмөттүн алдындагы курулуш жана архитектура боюнча мамлекеттик агенттик Бишкек шаарындагы курулушу архитектуралык стандарттарга төп келбейт деп болжолдонгон он сегиз имаратты текшерүүдөн өткөрүп жатат. Алардын катарында «Аксарай», «Караван борбор», Соңкөл деп аталган соода жана оюн-зоок борборлору бар. Мамлекеттик агенттиктин башчысы Ишенбай Кадырбековдун билдиргенине караганда, Бишкек шаарындагы жаңы турак үйлөрдүн курулуштары жана мурда салынган турак үйлөрдүн курулуштарын жаңылоо архитектуралык талаптарга ылайыкташтырылбай, бул адам өмүрүнө коркунуч келүүчү жагдайларды түзүүдө.
