БИШКЕК. Кечээ Россиянын аба аскер күчтөрүнүн кол башчысы Владимир Михайлов Кыргызстанда болду. Ал Кант аба майданында болуп, орус аскер кызматчыларынын аскердик даярдыктарынын абалы, жашоосу менен таанышты. Ушул эле күнү Кыргызстандын коргоо министри Исмаил Исаков менен жолугушту. Владимир Михайлов орусиялык аба-аскер күчтөрү Жамааттык коопсуздук келишим уюмунун алкагында ар кандай террордук аракеттерге каршы турууга бардык учурда даяр экенин билдирди.
