БИШКЕК. Улуттук олимпиада комитетинин президенти кызматына ат салышып жаткан 10 адамдын сегизи өз талапкерликтерин алып салышып, Мурат Саралинов менен Каныбек Осмоналиевдин талапкерлиги гана добушка коюлду. Натыйжада эсеп палатасынын төрагасы, күрөш федерациясынын башчысы Мурат Саралинов 36 добуш менен улуттук олимпиада комитетинин президенттигине шайланды. Ал эми биринчи вице-президенттикке кик-боксинг федерациясынын башчысы Александар Войнов, вице-президенттикке ат спорту боюнча федерациянын жетекчиси Садыр Мамытов шайланды.
