Европа Комиссиясы бүгүн Орусиянын Мамлекеттик Думасы кабыл алган бейөкмөт уюмдар жөнүндөгү мыйзамга жол берилбеши керек деген пикирде. Ошентсе да, Евробиримдик Орусиялык бейөкмөт уюмдар менен иштеше берет, - деп белгиледи Комиссиянын басма сөз өкүлү Эмма Удвин. “Алгачкы мыйзам долбооруна кийинчерээк киргизилген өзгөртүүлөр туура багытта жасалды. Кандай болгон күндө да, Еврокомиссия мындай мыйзамга жол берилбеши керек деген пикирде”. Өткөн жумада Еврокомиссия бул мыйзам кабыл алынса, Чеченстандагы калыбына келтирүү иштерин көздөгөн 20 млн. евролук долбоорлорго зыян келтирилет деп билдирген.
