Палестина автономиясынын төрагасы Махмуд Аббас АКШга келди жана бүгүн Вашингтон шаарында президент Жорж Буш менен жолугат. Эки жетекчи Жакынкы Чыгышта тынчтык орнотуу жана террорчулукту ооздуктооо маселелерин талкуулайт. Палестина жетекчилеринин айтымында, Аббас америкалык президентке кайрылып, Йордан дарыясынын батыш жээгинде жаңы жөөт айылдарын курууга каршы чыгууну суранат. Ал аймакты жана Газа тилкесин мындан 38 жыл мурда Израил басып алган, Газаны ал быйыл жайында бошотту, бирок Батыш жээкте жаңы айылдарды тургузуп жатат.
