Ирактын түндүгүндө жана батышында адаватчылардын чабуулунан америкалык төрт жоокер жана ирактык төрт аскер курман болушту. Америкалык аскерлер Самарра шаарында жолго коюлган бомбага кабылып өлүшкөнүн АКШлык аскерий жетекчилик маалымдады. Ирактык аскерлер Фаллужада граната аткычтын огуна кабылып өлүшкөн. Адаватчылар Анбар провинциясынын губернатору менен сунни динаятчылары кездешип жатканда ок ачып, эки динаятчыны жарадар кылышты.
