БИШКЕК. Президенттикке талапкер Жыпар Жекшеев 1-июнда «Азаттыкка» билдиргендей, Балыкчы шаарындагы жогорку окуу жайлардын филиалдарында жергиликтүү администрация жетекчилери тарабынан жыйындар өткөрүлүп, Курманбек Бакиевдин талапкерлигин колдоого көрсөтмөлөр болууда. Жекшеевдин айтымында, мындай көрсөтмөлөр башка мекеме, ишканаларда да болуп жатат. Ал эми Балыкчы шаардык администрациясынын аппарат башчысы Өмүрбек Абакиров мындай маалыматты төгүнгө чыгарды.
