БИШКЕК. 10-майда биринчи вице-премьер-министрдин милдетин аткаруучу Медетбек Керимкулов БУУнун баа берүүчү миссиясы менен жолугушту. Тутумуна Бүткүл дүйнөлүк саламаттыкты сактоо, дүйнөлүк азык-түлүк программасынын жана БУУнун башка башкармалыктарынын өкүлдөрү кирген миссия эки максат-өлкө учурда кандай жардамга муктаж экендигин жана күтүлбөгөн кандай жагдайлар болушу мүмкүн экендигин аныктоо үчүн келген. Ошон үчүн миссия Бишкектен тышкары Ош, Баткен, Жалалабад облустарында болуп, эл аралык уюмдардын Кыргызстандагы өкүлдөрү менен жолугушат.
