Президент Нурсултан Назарбаев менен кыргыз президентинин милдетин аткаруучу, премьер Курманбек Бакиев учурдагы кырдаалды жана эки тараптын мамилелерин, аларды өнүктүрүүнүн келечегин талкуулашты. Нурсултан Назарбаев түзүлгөн жагдайга байланыштуу Кыргызстанга гуманитардык жардам көрсөтүлө тургандыгын билдирди. Өз кезегинде Курманбек Бакиев Кыргызстандын экономикасына активдүү катышууну каалаган казак бизнесмендерине, жалпы эле бардык чет элдик инвесторлорго үзүрлүү иштөө үчүн жетиштүү шарт түзүлөт деп ишендирди.
