БИШКЕК. АКШнын Кыргызстандагы элчиси Стивенг Янг «АКИпресс» агенттигинде өткөн маалымат жыйынын уюштуруп, анда шайлоодо кетирилген бардык мыйзам бузууларды дыкат иликтеп, андан тыянак чыгарууга ырасмий бийликти чакырды. Элчи мыйзам бузуулардын катарында талапкерлерге бирдей шарт түзүлбөгөндүгүн, айрым көз карандысыз талапкерлердин катталбай калышын, көз карандысыз маалымат каражаттарына кысымды, өкмөтчүл маалымат каражаттарынын ашыра чапкан маалыматтарын, расмий бийликтин өзүнө ыктаган талапкерлерди жактап, шайлоого кийлигишүүсүн атады.
