Кыргызстанда бетин толук жаап жүргөн, ушундан улам анын ким экени аныкталбаган адамдар мамлекеттик жана муниципалдык имараттарга, мекемелерге киргизилбей турган болду. Бийлик бул талапты бузгандар айыпка жыгыларын эскертүүдө.
Украинанын Харьков шаарында ракеталык соккудан бир адам набыт болду. АКШ Украина менен Орусия маселесинде чыдамы түгөнүп баратканын ишарат кылды. Кыргыз бийлиги "жергиликтүү банк орус ишканаларына Батыштын санкциясын кыйгап өтүүгө көмөктөштү" деген маалыматты четке какты.
Укук коргоочу Рита Карасартова “Массалык башаламандыктар” беренеси менен экинчи жолу камакка алынды. Буга чейин "Кемпир-Абад иши" боюнча сегиз айга жакын абакта отуруп чыкса, бул жолкусунда чет жактагы активист Тилекмат Кудайберген уулуна байланыштуу иш боюнча кармалды.
Жарандык активист, укук коргоочу Рита Карасартова 12-майга чейин камалды. Мындай чечимди Свердлов райондук сотунун судьясы 17-апрелге караган түнү кабыл алганын "Азаттыктын" жеринде жүргөн кабарчысы Айбек Бийбосунов билдирди.
Бишкектеги мектептердин биринде 7-класстын эки окуучусунун ортосунда пикир келишпестик чыгып, 14 жаштагы кыз каза болду. Бишкек мэриясы жана шаардык милиция териштирүү башталганын билдирди. Маркумдун жакындары үн ката элек. Бул окуя окуучулар арасындагы чоңсунуу, коопсуздук маселесин козгоду.
АКШ президенти Трамп мыйзамсыз жүргөн мигранттар боюнча жаңы программа ишке киргизерин билдирди. Ал мигранттардын өлкөдөн өз ыктыяры менен чыгып кетиши үчүн акча сунушталарын айтты. Буга чейин CBP One тиркемеси аркылуу киргендерге АКШдан чыгып кетүүнү талап кылган каттар келе баштаган.
Чүйдүн Молдовановка айылындагы №27 колонияда жазасын өтөп жаткан 35 жаштагы Адилет Тилек уулу каза болгонун жакындары айтып чыгышты. Жазаларды аткаруу кызматы түзөтүү мекемелеринде эки киши каза болгонун ырастап, аларды бири аталган жаран жүрөк оорудан улам каза болгонун билдирди.
Чүйдүн Молдовановка айылындагы №27 колонияда жазасын өтөп жаткан 35 жаштагы Тилек уулу Адилет каза болгону кабарланды. Жакындары анын абакта сабалганын, катуу токмоктон улам каза болгонун айтып жатышат. ЖАК 14-апрелде эки кишинин өлүмүн ырастап, алар ден соолугуна байланыштуу каза болгонун билдирди.
Тышкы иштер министрлиги Орусиянын Кыргызстандагы элчиси Сергей Вакуновду 14-апрелде министрликке чакырып, Москва шаарындагы "Бодрость" мончосунда болгон окуя боюнча нота тапшырды.
Кыргызстандын Конституциялык соту 2010-жылы Апрель ыңкылабында бийликтен кулатылган Курманбек Бакиев боюнча чыккан сот өкүмү кайра каралат деген чечим чыгарды. Буга өкүм сыртынан чыгарылган деген жүйө себеп катары көрсөтүлгөн.
Кыргызстандын бир катар аймактарында милиция никаб кийип, жүзүн толук жаап жүргөндөргө түшүндүрүү иштерин жүргүзүүдө. Аалымдар кеңеши шариятта никаб парз эмес экенин айтса, укук коргоо органдары жүзүн ачып жүрүү боюнча талаптар коомдук коопсуздукту сактоо максатында киргизилгенин билдирди.
Москвада негизинен кыргызстандыктар барган мончого полиция өкүлдөрү кирип барып, ичиндегилерди себебин түшүндөрбөстөн туш келди уруп-сабап, кыйноого алганы тууралуу кабарлар тарады. Кыргызстандын Тышкы иштер министрлиги окуя териштирилип жатканын билдирди. Орусиянын ИИМи маалымат бере элек.
Дагы жүктөңүз
