"Азаттыктын" Бишкек бюросунун видео-журналисти, фотограф. 2015-жылы Кыргыз-Түрк “Манас” университетинин коммуникация факультетин аяктаган.
Кошмо Штаттарда президенттик шайлоого 4 айга жетпеген убакыт калганда демократтар оңой эмес абалга кептелгендей. 27-июндагы дебаттан кийин 81 жаштагы президент Жо Байден жарышта калууга тийишпи же башка партиялашына орун бошотушу керекпи деген талаш күчөдү.
Шереметьеводо кармалган, Москвага жетип-жетпей артка кайтарылган мигранттар. Токтобогон рейддер, рублдун курсундагы олку-солку кырдаал. Мигранттарды депортациялоо үчүн полицияга берилүүчү укук. Орусия эмгек мигранттары үчүн кооптуу өлкөгө айландыбы?
Борбордук Европада жайгашкан Польшанын парламентинде кыргызстандык Максат Тургуналиев алты жылдан бери эмгектенет. Ал иштешкен сенатор Ян Филипп Либицкий былтыр күзүндө төртүнчү жолу Сенатка мүчө болуп келди.
Тогуз айга аяк баскан Газадагы согушта күн сайын жайкын тургундар ажал табууда. Газада кырдаал кандай? Эмне себептен согуш токтобой жатат? Канткенде кан төгүүгө, азап чегүүгө чекит койсо болот?
“Кытай – Кыргызстан – Өзбекстан”. Үч өлкөнү бириктирген, Орусияны кыйгап өтө турган турган темир жолдун долбоору боюнча дагы бир макулдашууга кол коюлду. Кылымдын курулушу атыккан бул долбоор Кыргызстанга эмнеси менен маанилүү?
Иранда президент Эбрахим Раисинин сөөгүн 22-майда жерге беришет. Авиакырсыкта каза болгон президент эмне себептен “Тегерандын касапчысы” деген атка конгон? Дегеле жогорку руханий лидер башында турган Ирандын саясий системасында президент кандай роль ойнойт?
Кыргызстандык чабандестер Польшада соңку үч жыл катары менен ат чабыштан чемпион болуп, жеңишти бербей келет. Борбордук Европадагы бул өлкөдө ушул тапта 20га жакын кыргыз жигити ат спорту менен алектенет. “Азаттык” Польшада кыргыз жигиттеринин талбаган эмгек менен жаралган ийгилигин көрсөтөт.
Борбор азиялык немистер Германияга 1990-жылдардын башында кете баштаган. Ал кезде немис өкмөтү тарыхый журтуна көчүп келген немистерге бир топ жеңилдиктерди берген.
Катар калкынын саны жагынан Кыргызстандан кеминде эки жарым эсе, аянты жагынан 17 эсе кичинекей өлкө. Перс булуңундагы бул мамлекет ички дүң жыйымдын жан башына үлүшү боюнча дүйнөдөгү эң бай өлкөлөрдүн бири.
Москвадагы теракт борбор азиялык мигранттарга кандай таасир тийгизет? Мигранттардын коосуздугун ким камсыз кылат? “Азаттыктын” “Биз жана дүйнө” берүүсү ушул суроолорго жооп издеди.
Батыш ички репрессиялардын, Украинадагы согуштун фонундагы шайлоодо Путиндин жеңишин сындаса, Москва менен шериктеш өлкөлөр орус лидерин куттукташты. Путиндин 5-мөөнөтүндө геосаясий кырдаал канчалык өзгөрүшү мүмкүн? Москва Борбор Азияга, башка постоветтик өлкөлөргө таасирин күчөтөт деп күтсө болобу?
Чехиядагы “Ала-Тоо” уюму бул өлкөнүн ар кайсы аймагында иштеген, окуган кыргызстандыктардын башын бириктирип, жардам көрсөтүү максатында беш жыл мурда түзүлгөн. Уюмдун жетекчиси Айжан Байшүкүрова "Азаттыкка" экскоюзивдүү маек курду.
Владимир Путин 2000-жылы Орусияда президенттик кызматка расмий киришкен. Ал кезде Батышта Орусиянын жигердүү лидери катары таанылса, 24 жылдан кийин кантип Эл аралык кылмыш соту камакка алууга ордер чыгарган саясатчыга айланды? Мындай кырдаалга эмне түрткү болду?
АКШга мыйзамсыз жол менен барган ондогон өзбекстандык мекенине кайтарылды. Мексика аркылуу кирип, Америкадагы миграция борборлорунда кармалып турган өзбек жарандарынын дагы бир тобу АКШ бийлигин сотко берсе, тажикстандыктар ачкачылык жарыялашты. Мигранттардын арыз-дооматына эмне себеп?
Эски Европада такси кызматы 17-кылымда эле пайда болгону тарыхтан белгилүү. Чехиянын борбору Прагада таксиге суроо-талап чоң. Туристтер агылган Прагада кызматтын бул түрүн Борбор Азиядан келген мигранттар колго алды. “Азаттык” чех жергесиндеги борбор азиялык таксисттер менен тааныштырат.
Орус армиясы Украинанын аймактарына дээрлик күн сайын сокку уруп жатканына эки жыл болду. Бул согуш Украинаны жана Орусияны кандай өзгөрттү? Киев менен Москвада маанай кандай? Согуш качан, кандай шартта аякташы мүмкүн? Ушул жана башка суроолорго “Биз жана дүйнө” берүүсүндө жооп издедик.
Орусияда оппозиционер саясатчы Алексей Навальный түрмөдө каза болгонун 16-февралда орус медиасы Федералдык жаза аткаруу кызматына таянып кабарлады. 47 жаштагы оппозиционер 2021-жылдын январь айынан бери камакта отурган.
Европанын жолдорунда оор жүк ташыган машина айдап жүргөн жүздөгөн кыргызстандыкты жолуктурса болот. Кээ бирлери эмгек акысын ала албай, келишимдин шарттары аткарылбай, алданып, атүгүл соттошуп жүрөт. Башкалары иш берген компанияларына, иштөө жана жашоо шарттарына ыраазы экенин айтышат.
Дохада Азия кубогу финалдык баскычына жетти. Бул жолку мелдеш сенсацияга бай болду. Өзбекстандын жана Тажикстандын командалары чейрек финалга жетти. Кыргызстан тайпадан чыга албаган сегиз команданын бири болуп калды. Азия кубогунун кыргыз футболу үчүн сабагы кандай? “Азаттык” Катардан баяндайт.
Кыргызстандын футбол боюнча улуттук курама командасы Катарда өтүп жаткан Азия кубогунун тайпалык акыркы оюнунда Оман менен 1:1 эсебинде тең чыгып, мелдештин плей-офф баскычына өтө албай калды. "Азаттыктын" журналисттери оюндан кийин "акшумкарларга" кезигип, алардын ой-пикирин да сурады.
Дагы жүктөңүз
