"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
Дүйнөдө коронавирустан айыккандардын саны 5-апрелге карата 252 миңге чукулдады. Ооруну жуктуруп алган бир миллиондон ашуун адамдын 66 миңдейи көз жумду. АКШнын президенти алдыдагы эки жума баарынан оор болорун эскертсе, Испанияда бул илдеттен өлгөндөрдүн саны азайып баратат.
Нью-Йорк шаарында жашаган кыргызстандыктан коронавирус табылганын «Азаттык» радиосуна аталган шаардагы кыргыз диаспорасынын координатору Бекзат Молдобаев билдирди. Кыргызстандын АКШдагы элчилиги бул маалыматты тактап жатканын кабарлады.
Сауд Арабиясы дүйнө мусулмандарын кырдаалга байланыштуу ажылык сапарын пландабай турууга чакырды.
Кошмо Штаттар Орусиядан бир учак медициналык каражат алганын ырастады. Ал арада америкалык сенаторлор Кытайды коронавируска кабылгандардын жана андан өлгөндөрдүн санын жашырып жатат деп айыпташты.
Коронавирус алгач тараган Кытай мамлекетинде бул илдет жуккандар күндөн-күнгө азайып баратат. Жашоо кадимкидей өз калыбына келүүдө. Ал жактагы абал тууралуу Нанкин технологиялык институтунда мугалим болуп иштеген Каниет Курманбек уулу ой бөлүштү.
Коронавирустан өлгөндөрдүн саны боюнча АКШ Кытайды артка калтырды. Кошмо Штаттарда бул илдеттен 4060тан ашуун киши көз жумду. Дүйнөдө бул оору 884 миң адамга жукканы аныкталды.
Элдос Орозобеков Испанияда коронавируска кабылып, айыгып чыккан кыргызстандык студент. Ал EU Business Schoolда экинчи курста окуйт. Орозобеков «Азаттыкка» курган маегинде оорунун алгачкы белгилери жана кантип дарыланганы тууралуу айтып берди.
АКШнын президенти Дональд Трамп коронавирустун жайылышын ооздуктоо максатында элге апрель айынын соңуна чейин үйлөрүндө кала турууну сунуш кылып, федералдык эрежелерди дагы узартты. Кошмо Штаттардын өзүндө бул илдетке чалдыккандар 143 миң кишиден ашты.
Коронавируска байланыштуу түзүлгөн кырдаал «Азаттык» радиосуна кайрылгандардын санын да көбөйттү.
Кытайда коронавирус жугузгандардын 90 пайызы айыкканы тууралуу маалыматты Саламаттык сактоо боюнча улуттук комиссиясы таратты. Мындан улам илдеттин очогу Хубей провинциясындагы карантин жарым-жартылай алынды. Ал эми 8-апрелден тартып Ухань шаарынан сыртка чыгууга уруксат берилет.
Германияда коронавирус жуккандардын саны 26 миңден ашты. 118 адам көз жумду. Ал жактагы ооруканалардын абалы тууралуу Бад Херсфильд шаардык клиникасында жети жылдан бери хирург болуп иштеген журтташыбыз Уран Камчыбеков «Азаттыкка» айтып берди.
23-мартта коронавирустан көз жумгандардын саны 16 миңден ашты. 367 миңдей киши бул илдетке чалдыкты. Дүйнөлүк саламаттык сактоо уюму коронавирус тездик менен жайылып баратканын эскертти.
АКШда иштеп жүргөн онколог, медицина илимдеринин доктору Рысбек Абдылдаев «Азаттыктын» суроолоруна жооп берди.
Коронавируска байланыштуу көп мамлекеттерде карантин киргизилип, ишканалар өз жумушчуларынын санын кыскартып же акы төлөнбөгөн эмгек өргүүсүнө жиберип жатат. Мындан улам чет жактарда иштеген кыргызстандыктар да жабыркашууда.
Түштүк Кореяда коронавирус жуктуруп алгандардын саны 8200дөн ашты. 75 киши көз жумду. Бул мамлекет COVID-19га каршы күрөштү ийгиликтүү жүргүзүп жатканы кабарланды. Анын себептерин Сеулда физик-изилдөөчү болуп эмгектенген журтташыбыз Салижан Кылычбеков чечмелеп берди.
Жакынкы Чыгыштагы мамлекеттердин арасынан коронавирус күч алган Иранда бул илдеттен көз жумгандардын саны 700дөн ашты. 14 миңден көп киши өпкөнү сезгенткен жаңы илдетке чалдыкты.
Алгач Кытайдан чыккан COVID-19 вирусу дүйнө жүзүн каптады. Өпкөнү сезгенткен бул оорудан улам өзгөчө кырдаал киргизген мамлекеттердин саны күн санап көбөйүүдө. Чет жактарда бир жарым миллиондой кыргызстандык бар. Алардын айрымдары менен байланышып, кабар алдык.
Бир жыл мурда Крайстчөрч шаарындагы мечитте болгон кыргын 51 кишинин өмүрүн алган. Ушу тапта Жаңы Зеландияда ошол окуяда набыт кеткендерди эскерүү иш-чаралары башталды. Ал окуялар жашооcун түп-тамырынан өзгөрткөн үч адамдын тагдырын сунуштайбыз.
Мамдумада 10-мартта сунушталган өзгөртүүлөргө ылайык, Владимир Путинге 2024-жылы да президенттике ат салышууга жол ачылат.
Ооганстандын президенти Ашраф Гани 9-мартта экинчи мөөнөткө расмий киришип, ант берди. Ошол эле маалда Бириккен өкмөттүн мурдагы башчысы Абдулла Абдулла да өзүн президент деп жарыялап, өз инаугурациясын өткөрдү.
Дагы жүктөңүз
