29-ноябрда Жогорку Кеңеш киши колдуу болуп каза тапкан депутаттар Жыргалбек Сурабалдиев, Баяман Эркинбаев жана Тынычбек Акматбаевдин өлтүрүлүшүн иликтөө жана бетин ачуу боюнча иштин жүрүшү тууралуу Улуттук коопсуздук кызматынын жетекчиси Таштемир Айтбаевдин маалыматын укту. УКК төрагасы Сурабалдиевдин өлүмүндө саясий себеп жоктугун айтып, Эркинбаевдин өлүмүн маңзаттарын соодалоого байланыштырды. Бул күнү убакыт жетпей калганына байланыштуу ички иштер министринин, баш прокурордун жана парламенттик комиссиянын маалыматын угуу бейшембиге калтырылды.
Өткөн бейшембиде Кыргызстандын президенти Курманбек Бакиев менен Өзбекстандын президенти Ислам Каримов Орусиянын Санкт-Петербург шаарында өткөн Борбор Азия кызматташтык уюмунун саммитинин алкагында жолугушуп, эки тараптуу мамилелерди, кызматташтыкты өнүктүрүү боюнча сүйлөшүү жүргүзүштү. Бул акыркы бир канча жылдардан бери эки өлкө жетекчилеринин мындай бийик денгээлдеги алгачкы сүйлөшүүсү болду. Мындай жолугушуудан улам соңку мезгилде бир топ солгундап кеткен кыргыз-өзбек мамилеси кайра жанданабы?
2-октябрда Бишкектеги №1 Университет шайлоо чөлкөмүндө Жогорку Кеңештин депутаттыгы үчүн кайра шайлоонун экинчи айлампасы өттү. Анда 18-сентябрдагы бул шайлоонун биринчи айлампасына катышкан алты талапкердин ичинен алдыга чыгышкан Болотбек Марипов менен Эркин Бөлөкбаев ат салышышты.
29-сентябрда мурдагы баш прокурор Азимбек Бекназаров өлкө президенти Курманбек Бакиевге кайрылуу жолдоду. Анда президент аны баш прокурордуктан алгандан бери коомчулукта ар кыл пикирлер айтылып жатканы, мамлекеттик телекөрсөтүүдөн расмий бийлик бир тараптуу гана маалыматтарды берип жатканы белгиленген. Мурдагы баш прокурор эгер эки тараптуу маалымат берилсе эл өзү туура жыйынтык чыгарып алаарын айтып, президентти жан-жөкөрлөрү менен телекөрсөтүү аркылуу түз обого чыгууга чакырган.
20-сентябрда Ак үйдүн алдына элүү чакты адам Азимбек Бекназаровдун башкы прокурордуктан алынышына нааразылык билдирип чыгышты. Алардын негизги талабы – Азимбек Бекназаровду бошотуу тууралуу жардыкты жокко чыгаруу. Наразылык чарасына чыгышкандар Азимбек Бекназаровду коргоо комитетин түзүшүп, президент Курманбек Бакиевдин наамына кайрылуу даярдашууда. Түшкө жуук келген Биринчи май райондук ички иштер бөлүмүнүн башчысынын орун басары нааразылык билдирип чыккандарды Ак үйдүн алдынан кетүүсүн, нааразылыгын Максим Горький атындагы аянтта улантуусун талап кылып, эгер кетпесе күч менен таратылаарын билдирди.
1-сентябрда Жогорку Кеңеш жайкы эс алуудан кийинки алгачкы отурумун баштады. Бул күнү Президент Курманбек Бакиевдин премьер-министрликке Феликс Куловдун талапкерлигин бекитүү жөнүндөгү сунушу адегенде Жогорку Кеңештин мамлекеттик түзүлүш, мыйзамдуулук, конституциялык мыйзамдар боюнча комитетинин кеңейтилген отурумунда каралды.
Бейшембиде Өзбекстандын Анжиян шаарында Кыргызстан менен Өзбекстандын чек ара кызматтарынын жетекчилеринин жолугушуусу болду. Ага эки өлкөнүн Фергана өрөөнүндөгү облустарынын бийлик өкүлдөрү да катышты. Жолугушууда тараптар чек ара коопсуздугун сактоо жана кызматташууларды бекемдөө боюнча сүйлөшүштү. Ош-Баткен жолуна Өзбекстан мурда алынган чек ара бекетин кайра орнотуу же орнотпоо маселеси да ушул жыйында чечилиши күтүлгөн эле. Бирок эки ортодо талаш туудурган бул маселе дагы кийинкиге калтырылды.
29-июль күнү танкы саат алтыларда өзбек бозгундары түшкөн учак Бишкектин “Манас” аба майданынан Румынияга көздөй сапар алды. Аталган өлкөдө качкындар убактылуу гана туруп, андан ары төртүнчү башка өлкөгө которулат.
БШК малыматына караганда, президенттик шайлоого жалпы республика боюнча саат 14кө чейин 38, 83 пайыз шайлоочу катышты.
Баткен облусундагы Чарбак айылы менен Өзбекстандын Сох районунун Хушяр айылынын чектешкен жеринде акыркы эки күндөн бери курч кырдаал түзүлүп, кошуналаш эки элдин ортосунда жайыт маселесинен чыккан чырдын ырбап кетүү коркунучу туулууда. Кыргыз-өзбек чегиндеги эки айылдын ортосуна 4-май күнү өзбек тараптан 500 жүздөй, кыргыз тараптан 100 чакты адам чогулуп, ар кимиси өз талаптарын коюшту. Баткен жана Фергана облустарынын жетекчилери жаңжалды ырбатпоонун аракетинде сүйлөшүүлөрдү жүргүзүүдө.
