Кечээ армян оппозициясы Ереванда былтыркы нааразылык чараларынын күч менен таркатылышынын бир жылдыгын белгиледи. Мурдагы президент Л. Тер-Петросян жыйында чыгып сүйлөп, учурдагы өкмөт кулай турган саат жакындаганын айтты, бирок бийликке каршы «чечкиндүү кадамдарга өтүү» чакырыгын колдогон жок.
Британиянын адилет министри Жек Стро Иракка каршы согуштук өнөктүккө жол ачкан өкмөттүк жыйындардын тийешелүү учурлары камтылган протоколдорду жарыялоого тыйуу салды. Согушка каршы күчтөр аны өкмөттүк мурдагы калпыстыкты жаап-жашыруу аракети катары сындоодо.
Ишембиде Сауд Арабстандын падышасы Абдулла ибн Абдул Азиз айрым өкмөттүк кызматтардагы жетекчилерди, анын ичинде эскичил сотту кызматтан алып, жаңы дайындоолор тууралуу жардыктарга кол койду.
В субботу и воскресенье тема о возможном закрытии авиабазы США в аэропорту “Манас” продолжала оставаться в центре внимания кыргызской общественности. Есть ли иные варианты решения вопроса?
Прошли два месяца как по НТРК перестали транслировать радио и телевыпуски «Азаттык». Есть ли надежда на то, что ставшее для всей Центральной Азии примером успешного сотрудничества отношения могут быть восстановлены?
“Азаттыктын” берүүлөрүнүн УТРК аркылуу обого чыгарылбай калганына 2 айдын жүзү болду. Деги, Борбор Азиянын башка өлкөлөрүнө өрнөк болгон үзүрдүү кызматташтыкты калыбына келтирүүгө үмүт барбы?
4 жыл бою Иллинойс штатынан АКШ сенатору болуп иштеп келген демократ саясатчы Барак Обама, ошентип, шейшембиде АКШ президенти болуп шайланды. Анын буга чейинки өмүр жолундагы урунттуу учурлары кандай болду экен?
АКШнын коргоо министри Роберт Гейтс НАТО Ооганстандагы аскер санын жакын арада көбөйтөөрүнө азырынча көзү жетпей тургандыгын билдирди. Министр Гейтс мырза Пентагонду 2006-жылы жетектей баштагандан бери башка НАТОго мүчө өлкөлөрдү Ооганстанга кошумча аскер жөнөтүүгө чакырып келет. Бул өлкөдөгү коопсуздук маселесин чечүүнүн башка да жолу барбы?
Деги, жума күнү АКШда белгиленген “Халлоуин” майрамы учурунда кайсы талапкердин беткеби көбүрөөк сатылгандыгынан улам АКШда ким президент болоорун алдын-ала аныктай алабызбы?
Түркияда аттуу-баштуу делген 86 кишинин үстүнөн сот иши жүрүүдө. Аларга аскердик төңкөрүш жасоо үчүн кутум даярдаган жана массалык киши өлтүрүүгө беленденген деген айып тагылды. «Эргенекон тобу» деп аталган бул топтун катышуучулары, мамлекеттик айыптоочунун пикиринде, 2006-2007-жылдары секулярдык бир гезиттин редакциясында жардыруу уюштурган жана бир соттун өлүмүнүн артында турган имиш. Доого кабылгандардын жактоочулары болсо бул айыптоону четке кагып, камалгандарды чыныгы атажуртчулар деп колдоого алууда.
Кечээ (8-октябрда) кечинде Украинанын президенти Виктор Ющенко өлкө парламентин таркатуу тууралуу чечимин жарыялады. Мунун алдында парламенттеги айрым партия лидерлери жаңы коалициялык өкмөт түзүү далаалатын жасап жыйын өткөргөн эле. Бирок Украинада кезексиз парламенттик шайлоо кайсы күнү өткөрүлөөрү тууралуу азырынча так маалымат айтылган жок. Серепчилер 2004-жылы “саргылт ыңкылаптын” жеңишин камсыз кылып бийликке келген өкмөттүк коалиция батышчыл лидерлер Виктор Ющенко менен Юлия Тимошенконун бийлик үчүн өз ара күрөшүнүн кесепетинен ыдыраганын белгилешүүдө.
Мындан 70 жыл илгери, 1938-жылдын 29-сентябрынан 30-сентябрына караган түнү, европалык төрт мамлекеттин (Улуу Британиянын, Франциянын, фашисттик Италиянын жана нацисттик Германиянын) жетекчилери Германиянын Мүнхен шаарында жолугуп, тарыхта кара так болуп калган келишимге кол коюшкан. Британия менен Франциянын өкмөт башчылары эптеп өз өлкөлөрүнөн нацисттик Германиянын баскынчыл ниетин алыстатуу жана анын каарын коммунисттик Чыгышка багыттоо үчүн германдык нацисттердин Чехословакиянын Судет аймагын каратып алышына макулдук беришкен. Ошондон тартып башка бир эгемен өлкөнү бөлүп-жарып, баскынчыл өлкөгө кармата берүүгө жол ачкан эки жүздүү келишимдер саясий сөздүктө “Мүнхен келишимине” окшоштурулуп калды.
Бүгүнтөн (29-сентябрдан) тартып Европадагы Коопсуздук жана Кызматташтык Уюмунун мүчө өлкөлөрүнүн жүздөгөн укук коргоочулары, адистери, расмий өкүлдөрү Польшанын ордо шаары Варшавага чогулуп, өз өлкөлөрүндөгү адам укуктарынын сакталышы, демократиялык жаряндын көйгөйлөрү тууралуу ачык-айрым талкуу жүргүзүшмөкчү. Бул окуянын ирегесинде АКШ өкүлдөрүн жетектеген элчи Роберт Пирсон (W. Robert Pearson) «Азаттык» үчүн маек курган эле. Эмесе, бул маектин урунттуу жерлери менен тааныштыралы.
Кошмо Штаттардын президенттиги үчүн ат салышкан эки негизги талапкер кечээ (жума күнү) шайлоо өнөктүгүнүн алкагында сыналгыда бири-бири менен алгачкы жолу талаш-тартыш жүргүзүп, эл аралык саясат жаатында ойлорун ачыкташты. Республикачыл сенатор Жон МакКейн жана демократ сенатор Барак Обама экөө тең Орусиянын Грузиядагы баскынчылыгын айыпташты, бирок Иран жана Ирак жаатында алардын көз караштары кайчы чыкты.
Венесуэланын президенти Уго Чавес Орусиядагы иш сапарын улантып, бүгүн (жума күнү) президент Дмитрий Медведев менен Оренбург шаарында сүйлөшүү жүргүздү. Чавестин бул жолку сапары да анын саясатын жактырбаган расмий Вашингтондун ого бетер итиркейин келтирээри бышык. Өзгөчө алганда, өзөктүк отун жана аскердик долбоорлор жаатындагы орусиялык-венесуэлалык эки тараптуу келишим АКШнын купулуна толбой тургандыгы ажеп эмес.
Дүйнө коомчулугу Пакистандагы жардырууну уюштургандарды айыптоодо. Бириккен Улуттар Уюмунун Баш катчысы Пан Ги Мун ишембидеги Исламабад шаарындагы Марриотт конок үйүнүн жанындагы террордук жардырууну кескин айыптады. Ушундай эле айыптаган билдирүүлөрү менен башка да бир катар коомдук ишмерлер жана АКШ, Индия, Иран, Кытай, Ооганстандын ж.б. мамлекеттердин башчылары жана тышкы иштер министрликтери чыгышты. Жардыруунун айынан бери дегенде 53 киши набыт болуп, 200дөн ашуун киши жаракат алган. Пакистандын ички иштер министрлиги Исламабаддагы ишемби күнкү ири террордук жардырууну талиптер уюштурду деп эсептейт. Соңку апталарда өлкөнүн чек ара аймагындагы исламчыл козголоңчуларга каршы аскердик чаралар күч алган соң, террорчул аракеттер да жанданган.
Бириккен Улуттар Уюмунун Баш катчысы Пан Ги Мун ишембидеги Исламабад шаарындагы Марриот конок үйүнүн жанындагы террордук жардырууну кескин айыптады. Жардыруунун айынан бери дегенде 60 киши набыт болуп, 200дөй киши жаракат алды. Соңку апталарда өлкөнүн чек ара аймагындагы исламчыл козголоңчуларга каршы аскердик чаралар күч алган соң, террорчул аракеттер да жанданганы кабардалууда.
Кечээ (жума күнү) АКШнын Мамлекеттик департаменти дүйнө жүзүндөгү диний ишеним эркиндигинин сакталышынын жагдайына арналган жылдык баяндамасын жарыялады. Баяндамада Борбордук Азиядагы соңку кырдаал да таразаланат. Жалпысынан, Казакстан, Кыргызстан, Тажикстан сыяктуу секулярдык мамлекеттерде диний ишеним эркиндигине карата салттык урматтоо бардыгына карабастан, айрым жаңы мыйзамдык долбоорлор же өзгөртүүлөр диний ишеним укуктарын чектөөгө багытталгандыгы санааркоо менен белгиленген. Өзбекстанда болсо көптөгөн диний жамааттардын расмий макам алышына мыйзамдык чектөөлөр аркылуу орчун тоскоол түзүлүп келгендиги айтылган.
Франциянын ордо шаары Парижде бейшембиде (18-сентябрда) болуп өткөн бир күндүк жолугушууда Европа Биримдигине мүчө өлкөлөр менен Борбордук Азия өлкөлөрүнүн тышкы иштер министрлери коопсуздук маселелеринен тышкары отун-кубат жаатындагы кызматташтыкты да талкуулашты. Укук коргоочулар болсо Европа Биримдигинин лидерлерин аймактагы адам укуктарынын одоно бузулушун көз жаздымда калтырбоого чакырышты.
Дагы жүктөңүз
