Кошмо Штаттар Бириккен Улуттардын курал-жаракты көзөмөлдөөчүлөрү БУУнун Коопсуздук Кеңешине өз текшерүүлөрүнүн жыйынтыгын тапшыра турган күндү – 27-январды Иракка каршы согуш ачуу удулу катары көрбөй турганын маалымдоодо. Бирок АКШнын аскердик камылгалары согуш сааты жакындаганын айгинелегенсийт. Башка өлкөлөрдөгүдөй эле, Кошмо Штаттардын өзүндө да АКШнын Иракка согуш ачуусунун ыктымалдуулугуна каршы нааразылык чаралары өтүүдө.
Түркия - Ататүрктүн доорунан бери секулярдык өлкө. Бирок бул өлкөдө динчилер да, атеисттер да нечен ирет запкы запкы чеккен учурлар болду. Жаңы кылым өлкө үчүн мурда түшкө кирбеген саамалыктарын берүүдө. Бийликке келген исламчы партиянын азыркы Анкарадагыдай батышчыл саясат жүргүзөөрүн күттүңүз беле? Дагы бир кызык окуя - жакында таанымал түрк акыны, атеист жана укук коргоочу Шанар Йурдатапан белгилүү мусулман диниятчы менен автордошуп китеп жазды.
Дүйшөмбүдө Азия жана Тынч океан өлкөлөрүнүн парламенттик форумун ачып жатып, Малайзиянын премьери Махатхир Мохаммад Иракка каршы согуш ачуу эл аралык коомчулуктун террорчулукка каршы күрөшүнө жолтоо кылышы мүмкүн деген пикирин айтты. АКШ аскерлеринин улам жаңы бөлүктөрү Перс булуңуна тартылууда.
Перс булуңунда жаңы согуш чыкчу болсо, ал аймактагы мурдагы согуштардан да алда олуттуу кесепеттерге алып келиши мүмкүндүгү айтылууда. Согушту болтурбоо жолдорунун бири катары Саддам Хусейндин өз эрки менен бозгунчулукка кетиши сунуш кылынып жатат. Бирок бул сунуш канчалык турмуш чындыгына коошоор экен?
Үйкамакта жаткан ирандык таасирдүү диниятчы, аятолла Хусейн Али Мунтазаринин саламаттыгы кескин начардап кеткени кабардалууда. Эгерде расмий бийлик Мунтазарини боштондукка чыгарбаса, анда азыркы рухий жолбашчы айатолла Али Хаменейи менен теңата болчу диниятчы катары саналган жана президент Мухаммед Хатаминин олуттуу колдоочуларынан болгон бул карыя үйкамакта жатып көз жумушу да ыктымал.
Кыргыз тарыхынын көөнө доорун иликтеген азыркы айрым чет өлкөлүк окумуштуулар жөнүндө ала-тоолуктар анча кабардар эмес. Дал ошондой окумуштуулардын бири – америкалык кыргыз таануучу Майкл Дромпп мырза. АКШнын Роудз Коллеж аттуу окуу жайынын профессору Дромпп Тынчтыкбек Чоротегин менен баарлашат.
АКШ президенти Жорж Буш жума күнү Техастагы аскер базасында чыгып сүйлөп, эгерде Саддам Хусейн массалык кыргын куралдарын мындан ары да коомчулуктан жашыра берсе, анда ага каршы аскердик чараларга өтөөрүн эскертти. Айрым мусулман өлкөлөрүндө Саддамды бозгунчулукка кетирүү аркылуу жаңжалды чечүү тууралуу да ойлор айтылууда.
Дүйнө коомчулугу Жылкы Жылын узатып, 2003-жылды – Кой Жылын шаан-шөкөт менен тосуп алды. Жаңы жылды көчөдө тоскон калктын коопсуздугун камсыз кылуу үчүн жүз миңдеген тартип сактоо кызматкерлери уйку көрбөй иштешти. Дүйнө калкынын жаңы жылдагы башкы тилеги – бейпилдик болууда.
Бириккен Улуттардын курал-жаракты көзөмөлдөөчүлөрү Ирактагы массалык кыргын куралдары сакталган деп шектелген жайларды кыдыруусун шаршембиде да улантты. Ал эми коңшу Түркиянын өкмөтү АКШнын Иракка каршы болжолдуу аскердик өнөктүгүнүн Түркияга тийгизчү таасири тууралуу талкуу кылды.
Кытай менен Орусия АКШнын ракетадан коргонуу долбооруна АКШнын бул коргонуу долбооруна каршы маанайларын ачык билдиришти. Жапония менен Түштүк Корея да бул жаңылыкка чочулоо менен мамиле жасоодо.
Декабрдын 22синде Литвада президенттик шайлоо өткөрүлмөкчү. Ондон ашуун киши талаптанган бул кызмат эми кимге тийээр экен? Оболу литвалык президенттикке талапкерлердин айрымдарынын бейнеси жөнүндө сөз козгойлу.
Быйылкы Нобел тынчтык сыйлыгы АКШнын мурдагы президенти Жимми Картерге ыйгарылды. Шейшембиде Норвегиянын ордосу Осло шаарында Нобел сыйлыгын алып жатып, Картер мырза дүйнө коомчулугун жана АКШ өкмөтүн бардык олуттуу маселелерди тынчтык жолу менен гана чечүүгө чакырды.
Мындан отуз жыл илгери адам баласы Айга барып конгон. Бирок азыркы тапта космостук сапарды Айдан да алыскы мерчемдерди көздөй улантуу – кыял бойдон кала берүүдө.
