"Азаттыктын" веб-редактору, журналист. 2004-жылы Кыргыз-Түрк "Манас" университетинин журналистика факультетин аяктаган.
Тажикстандын президенти Эмомали Рахмон жекшемби күнү (8-февралда) Латвияга иш сапары менен келди. Дүйшөмбүдө (9-февралда) кечке жуук Эмомали Рахмон иш сапары менен Брюсселге келүүдө. Анда тажик лидери Белгиянын премьер-министри жана башка жогорку даражалуу бийлик өкүлдөрү менен жолугушмакчы.
“Эркин Европа/Азаттык” үналгысынын директорунун мультимедиа боюнча орун басары Рики Грин айым Вашингтондо АКШнын 44-президентинин ант берүү аземине күбө болду. Рики айым салтанат алдындагы окуяларды, андан соң миллиондон ашуун адам катышкан жөрөлгөнү кагаз бетине түшүрүп, тасмага тартып алган.
Кыргыз билим берүү академиясынын уюштуруу илимий методикалык жана басма бөлүмүнүн башчысы Сейитбек Жаанбаев "Азаттыктын" Прагадагы баш кеңсесинде болуп, билим тармагындагы реформалар, окуу китептеринин жетишсиздиги жана Болон процессине өтүү тууралуу маек куруп берди.
Ирандын тышкы саясаты тууралуу сөз болгондо биринчи кезекте президент Махмуд Ахмадинежаддын ашкере фундаменталисттик маанайдагы опурулуп-жапырылган сөздөрү ойго келет. Бирок расмий Тегерандын тышкы саясатынын коомчулукка кеңири айтылбаган өзгөчө мүдөөсү – Иран оппозиция күчтөрүн Батыштын “кара тизмесине” киргизүү аракети. Бул тууралуу Лондондогу Иран боюнча адис Хамид Иранинин баяндамасында айтылат.
Израилдин Газа тилкесиндеги чабуулу күчөгөн сайын мурдагы совет өлкөлөрүндө ар түрдүү ой пикирлер көбүрөөк айтыла баштады. Кеңеш доору аяктагандан кийин КМШга кирген өлкөлөрдүн бийлиги Израил менен алакаларды бекемдеген эле. Мына эми алар өз өлкөлөрүндөгү коомчулуктун кысымына карабастан жаңжалда кайсы бир тарапты колдоодон тайсалдап турган чак.
7-январда шийи мусулмандар Ашура майрамын белгилешти. Иракта, Иранда жана башка өлкөлөрдө жашаган шийилердин бир тобу Ирактын Кербала шаарына келип, Мухаммед пайгамбардын 680-жылы курман болгон небереси Имам Хусейиндин арбагына сыйынышты.
Түркия – Израилдин олуттуу өнөктөшү. Эки өлкө ортосунда аскердик жана экономикалык байланыштар кыйла жакшы өнүккөн. Бирок Түркиянын премьери Израилдин Газадагы чабуулун кескин сынга алды.
Газа тилкесиндеги кризистин башталганынан бери эки апта болуп калды. Эл аралык дипломаттар ок атышуунун токтотулушуна жетишүүнүн аракетинде. Евробиримдик тараптарды мунасага келүүгө чакырууда. Газа тилкесиндеги кризис жана согуштун тарыхы тууралуу Эркин Европа/Азаттык үналгысынын берүүлөр боюнча директорунун орун басары Аббас Жавади комментарий жазды.
Грузияда саясий кырдаал курчуп, президент Михаил Саакашвилиден көңүлү калгандардын саны көбөйгөн сайын, президенттик шайлоо мөөнөтүнөн мурда өткөрүлсө, Саакашвилинин болжолдуу мураскору ким болору тууралуу божомолдор көп айтыла баштады. Көпчүлүк болочок лидер Грузиянын Бириккен Улуттар уюмундагы мурдагы элчиси Иракли Аласаниа болорун айтышууда.
Иранда эң жогорку саясий жана диний бийликке ээ болгон руханий лидер айатолла Али Хаменейи өз таасирин ого бетер чыңдоо аракетин көрүп жаткан өңдүү. 16-декабрда Иран парламенти - Межлис - мыйзам чыгаруу органдарына жогорку лидерди көзөмөлдөйт деп эсептелген үч башкы органды текшерүүгө тыюу салган мыйзам долбоорун кабыл алды.
Шаршембиде (3-декабрда) расмий Тбилиси НАТОнун Грузиянын болочокто НАТОго мүчө болушуна огожо болуу үчүн бул өлкө менен кызматташтыкты андан ары тереңдетүү тууралуу чечимин жактыргандыгын билдирди.
Эл аралык коомчулук Ирандан талаштуу өзөктүк программасын токтотууну талап кылып жаткан маалда, расмий Тегеран Перс булуңундагы коңшу өлкөлөргө өзөктүк кубат боюнча заводдорду биргелешип курууну сунуш кылды.
Учурда чет өлкөдө билим алып, иштеп жүргөн кыргызстандык жаштар өтө көп. Мекенинен узакта болгону менен, алар дагы ар убакытта өз жерин сагынып, Кыргызстандын келечеги үчүн тынчсызданары шексиз. Түркияда билим алып, үлкөн компанияда орун тапкан Кыргызстандын үч жараны октябрда Чехиянын ордо калаасы Прагада болуп, “Азаттыктын” баш кеңсесине дагы баш багып, жашоо шарттары, ой-максаттары тууралуу пикир бөлүшкөн эле.
Испаниялык дарыгерлер тобу тарыхый операцияны жасашты: доктурлар аялдын бузулган кекиртегин өзүнүн сөңгөк клеткаларынан өстүрүлгөн органга алмаштырышты. Муну менен дарыгерлер ооруулуу аялдын иммундук системасын жаңы органды өзүнүкү катары кабыл алууга мажбурлашкан. Адистердин айтымында, бул жаңы техника өз органын алмаштырууга мажбур болгон ооруулууларда үмүт отун жандырды.
1954-жылы Бириккен Улуттар Уюмунун Башкы Ассамблеясы 20-ноябрды Балдардын дүйнөлүк күнү катары белгилөөнү сунуштаган.
Ирактын премьер-министри Нури ал-Малики америкалык жоокерлердин өлкөдөн чыгып кетишине үч жыл мөөнөт берген жаңы коопсуздук келишимин сындагандарды айыптады. Ирак менен АКШ ортосундагы коопсуздук келишимине дүйшөмбүдө кол коюлган. Бул келишим эми Ирактын парламенти тарабынан жактырылышы талап кылынат.
Бириккен Улуттар Уюмунун 17-ноябрда жарыяланган билдирүүсүнө ылайык, Кытайда жакырлар менен байлар ортосундагы ажырым өлкөнүн экономикасына жана социалдык абалына олуттуу коркунуч жаратышы ыктымал.
Акыркы айларда Ооганстанда окуучуларга, өзгөчө окуучу кыздарга кол салуулар көбөйгөндүктөн, өспүрүмдөрдүн ата-энелери аларды мектепке жиберүүдөн кооптонууда. Ушундан улам билим берүү органдары ата-энелерди кыздарды мектепке жиберүүгө көндүрүү улам кыйын болуп баратканын айтышат.
2006-жылы түркмөн президенти Сапармурат Ниязов дүйнө салып, анын ордуна Гурбангулы Бердимухаммедов келгенде, карапайым калк жашоо шарттары өзгөрөрүнөн үмүт кылышкан. Бирок азырынча үмүт акталбай келет.
АКШнын Борбордук чалгындоо башкармалыгынын жетекчиси, генерал Майк Хайден бейшембиде “ал-Кайида” жана анын лидери Осама бин-Ладен Ооган чек арасына жакын Пакистан тоолорунда башка террорчулардан обочодо калганын айтты.
Дагы жүктөңүз
