"Азаттыктын" веб-редактору, журналист. 2004-жылы Кыргыз-Түрк "Манас" университетинин журналистика факультетин аяктаган.
Орусияда советтик доор урап жаткан жылдары улуттук сыналгы аркылуу белгилүү болгон гипнозчу учурдагы экономикалык кризис маалында кайрадан кайтып келери күтүлүдө. Анатолий Кашпировскийдин ырасташынча, мындай оор кырдаалда орус эли акыл менен түшүндүрүп берүүгө мүмкүн болбогон кубулуштарга муктаж. Орусиялык НТВ сыналгысы Кашпировскийдин берүүлөрүн обого чыгарууга кам урууда.
Марттын башында Беларус бийлиги Евробиримдик менен эми жанданып келаткан мамилелерине суу септи: президент Александр Лукашенко Евробиримдиктин мартабалуу аткаминерлери менен узактан макулдашылган жолугушуудан баш тартты.
Ооганстанда орун алган кагылышуулар жана курмандыктар тууралуу кабарлар көп келет. Бирок бул ирээт ушул өңдүү кабарлар буга чейин салыштырмалуу тынч деп эсептелген Ооганстандын түндүк жана батышынан келүүдө.
Украинанын Коопсуздук күчтөрүнүн шаршембиде (4-мартта) “Нафтогаз” мамлекеттик газ компаниясынын баш кеңсесинде тинтүү жүргүзүүсү - орусиялык газды Европага жеткирүү маселесин кайрадан кабыргасынан койду.
1-мартта Орусияда аймактык жана жергиликтүү бийлик органдарына шайлоо өттү. Орусиянын премьер министри Владимир Путин башында турган “Бирдиктүү Орусия” партиясы добуш берүү жүргүзүлгөн 9 аймакта тең озуп чыкты.
Жекшембиде (1-мартта) Брюсселде Евробиримдиктин лидерлери чукул жыйынга чогулууда. Алар учурда улам тереңдеген экономикалык кризисти жеңүү чараларын талкуу кылаары алдын-ала белгиленген. Алар улуттук банк тармактарындагы, социалдык системадагы жана баалуу кагаз базарларындагы соңку көйгөйлөрдү талкууга алып, кризистен чыгуунун жолдорун чогуу-чаран иштеп чыгууга далаалаттанмакчы.
Жекшембиде (1-мартта) АКШнын башкы дипломаты Жакынкы Чыгышка жана Батыш Европага жол тартат. Мамлекеттик катчы Хиллари Клинтон өз сапарын Египетте өтө турган Палестин демөөрчүлөрүнүн жыйынына катышуу менен баштайт.
22-февралда Лос-Анжелесте Оскар сыйлыгын тапшыруу аземи өтүп, Индиянын Мумбай шаарынын өтө жакыр бөлүгүндө тартылган “Шаардын жакыр бучкагынын миллионери” аттуу көркөм тасма киноакадемиянын 8 сыйлыгына ээ болду.
Орусияда иш орундары кыскарган сайын Борбор Азиядан барган мигранттар өз өлкөлөрүнө кайтып келүүгө мажбур. Мекенине кайтып жаткан мигранттардын агымы бул өлкөлөрдүн бийлигин ого бетер ойго салды.
Түндүк Корея космос мейкиндигине жасалма жандоочу учурууга жигердүү камылга көрүп жатканын жар салды. Азырынча жасалма жандоочу качан учурулаары тууралуу так маалымат айтыла элек. Жакында эле Түндүк Корея аскердик максатта колдонулуучу баллистикалык ракетаны сыноодон өткөрүүгө даярдык көрүшү мүмкүн деген каңшаар тараган. Серепчилердин айтымында, буга чейин Түндүк Корея космонавтика терминин жөн гана баллистикалык ракета сынагын жаап-жашыруу үчүн колдонуп келген.
Дүйнөлүк каржы кризиси Казакстанда бир катар ийгиликтүү жана таасирдүү банктардын кыйрашына алып келди. Бирок Казакстандын ири жеке банктарынын бири деп эсептелген БТА банкынын төрагасы М.Аблязовдун кызматынан бошотулушу бир катар жоромолдорду жаратты.
Европа Биримдигинин тышкы иштер министрлери бүгүн (дүйшөмбүдө) Брюсселде Евробиримдиктин Чыгыштагы кошуналары менен мамилелеринин келечегин талкуулашууда.
Өзбекстандын жергиликтүү жана өкмөттүк билим берүү аткаминерлери Анжыянда жана башка облустарда окуучуларды мектепке бардыртуу үчүн жаңы чараларды кабыл алууда. Бирок айрымдар мектепке эмес, мечиттерге кетип калган балдарды табуу үчүн мечиттерди тинтүү жана ата-энелерден балдары кайда болгонун каттап турууну талап кылуу өңдүү демилгелерди өкмөттүн дин эркиндигин кысымга алуудагы жаңы кадамы катары сынга алышууда.
Өткөн жылы Израилдин пайдасына тыңчылык кылган деп айыпталган Бахайичилердин башчыларынын үстүнөн сот иши кийинки аптага жылдырылды. Бул тууралуу ирандык соттун басма сөз өкүлү шейшембиде (17-февралда) жарыялады.
Мындан туура 20 жыл мурда ушул күнү акыркы советтик жоокер Ооганстандан чыгып кеткен. Он жылдык майнапсыз согуш Советтер Биримдиги үчүн да алаамат болду.
Үч жыл мурда, 13-февралда Казакстанда таанымал оппозициячыл саясатчы Алтынбек Сарсенбаевди белгисиз адамдар өлтүрүп кетишкен. Бул кылмышка бийликтин тийешеси бар деген сөздөр аз эмес. “Эркин Европа/Азаттык” үналгысынын жаңылыктар бөлүмүнүн кызматкери Мерхат Шарипжан бул окуяга байланыштуу серебин сунуштады.
12-февралда америкалыктар АКШнын 16-президенти Абраам Линколндун туулган күнүнүн 200 жылдыгын белгилешти. Америкалыктар Линколнду улуу лидер катары ушул күнгө чейин урматташат. АКШнын азыркы президенти Барак Обама өз сөзүндө жана жүргүзгөн саясатында Линколнго байма-бай шилтеме жасап келет. Линколндун мурасы менен жакындан таанышуу үчүн “Эркин Европа/Азаттык” үналгысынын кабарчысы Рон Синовиц (Ron Synovitz) белгилүү тарыхчы жана Иллинойстогу Нокс коллежинин Линколнду изилдөө борборунун жетекчилеринин бири Родни О’Дэвисти (Rodney O. Davis) кепке тарткан.
Мындан туура 25 жыл мурда (1984-жылдын 8-19-февралында) мурдагы Югославиянын бир бөлүгү болгон Босния XIV-Кышкы Олимпиадалык оюндарды өткөрүү мүмкүнчүлүгүн алган. “Эркин Европа/Азаттык” үналгысынын уктуруулар боюнча директорунун орун басары Ненад Пейич (Nenad Pejiç) 25 жыл мурдагы жана бүгүнкү күндөгү Босния тууралуу серебин жарыялады.
Жакында эле Ирандын акыркы шахынын жубайы Фарах Пехлеви (Farah Pahlavi) айым жөнүндө «Каныша жана мен» деген жаңы даректүү тасма тартылды. Иранда мурдагы каныша Фарах Пехлеви хан сарайда бакыбат турмушка балкып, анын жашоосу тим эле жомоктогудай болчу. Тасманын режиссеру Нахид Перссон (Nahid Persson) айымдын ата-энеси болсо карапайым ишчилерден болчу, ал өзү 1979-жылы шахка каршы ыңкылапка катышкан. Ар башка тагдырга ээ бул эки мекендеш айым отуз жылдан кийин жолугушуп, экөөнүн ортосунда карама-каршы пикирлер гана эмес, окшош көз караштар да бар экенине ынанышты.
Көпчүлүк өлкөлөрдө улуу муун менен жаш муундун өкүлдөрүнүн бир чатыр астында жашашы – нормалдуу көрүнүш. Ата-энеси күнү бою жумушта болгон үй-бүлөлөрдө тайэненин ролу өзгөчө экендиги шексиз. “Американын Биринчи тайэнеси” – АКШнын биринчи айымы Мишел Обаманын энеси, 71 жаштагы Мариан Робинсон – мунун эң айырмалуу мисалы.
Дагы жүктөңүз
