"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Кошмо Штаттарында жаңы шайланган президенти Барак Обама 22-ноябрда шайлоо өнөктүгүндө сөз бергенден да чечкиндүү экономикалык чараларды көрүү нийетин жарыялады.
Украина бүгүн Улуу Ачарчылыктын 75 жылдыгын белгилеп жатат. 1930-жылдары большевиктердин тушунда миллиондогон украиндер кырылган ал окуялардын курмандыктарына Киевде эстелик тургузулду.
Илим ийне менен кудук казгандай азаптуу эмгек, бирок ал сөзсүз эле тажатма болушу керек эмес! Буга ушул күндөрү Парижде өткөн Илим көрсөтмөсүндө Жаңыл Жусубжан күбө болду.
Балкан аймагындагы согуш бүткөндөн бери кыйла убакыт болсо да, мурдагы Югославиянын ордунда түзүлгөн көз карандысыз мамлекеттердин ортосунда алакалар дале начар. Айрыкча алардын бири-бири менен соттошкону улам көбөйүп, адвокаттардын иши чачтан көп болууда. Бирок аскерлерден турган армиядан көрө, адвокаттардын армиясы болгону артык деп жазат "Эркин Европа/Азаттык" радиолорунун директорунун орун басары Ненад Пейич. Пейичтин комментарийинде келтирилген пикирлер автордуку жана сөзсүз эле "Азаттыктын" позициясын чагылдырбайт.
Париждин маданият чөйрөсүндө бул концерт кыйла толкунданууну жаратты. Борбор Азиянын булуң-бурчунан, анын ичинде Кыргызстандан келген ырчы кыздар француздарды өтө сунтандырып, ошол эле мезгилде, Париждеги борбор азиялыктар алыскы мекенине болгон сагынычын аз да болсо жазып алышкансыды.
Бириккен Улуттардын Балдардын укуктары боюнча конвенциясы жаш балдарды согушка тартууга тыюу салат. Бирок эл аралык келишимдерге карабастан жашы жете элек улан-кыздар дүйнөнүн булуң-бурчундагы согуштарга катышып келатышат.
Жаңы жарык көргөн гендерлик ажырым индексинде Кыргызстан мурдагы советтик жумурияттардын бир тобун артта калтырып, алдыңкы 50 өлкөнүн катарына кирген.
Борбор Азия өзүнчө аймак болгону менен, анын курамындагы өлкөлөрдүн ортосунда ынтымак жок, чыр көп. Ушул абалга байланыштуу тажик режисеру Сафарбек Солиев Азаттык менен ой бөлүшүп, абал өзгөрбөсө, кеч болуп баратканын эскертти. Тажикстандагы ички согуштан качып, бүгүн Кыргызстанды өзүнүн экинчи мекени санаган белгилүү режисерду Каракол шаарында анын тасмасы көрсөтүлгөн "Бир Дүйнө" фестивалынын мезгилинде кабарчыбыз Жаңыл Жусубжан сөзгө тартты.
Ушул тапта Кыргызфилм студиясында борбор азиялык шайырлардын чыгармалары үн тасмага түшүрүлүп жатат. Бул ыр-күүлөр Нарындагы борбор азиялык университеттин музыка таануу бөлүмү үчүн даярдалып жаткан окуу куралына киргизилет.
АКШнын жаңы шайланган президенти Барак Обама бүгүн учурдагы президент Жорж Буш менен Ак үйдө алгачкы жолу жолугушат. Мунун алдында Обаманын башкы кеңешчиси Буштун айрым талаштуу буйруктарын жаңы президент күчүнөн кетире тургандыгын маалымдаган.
15-ноябрда Вашингтондо финансылык реформалар боюнча глобалдык саммит өткөнү жатат. Аны утурлап Европа Биримдигинин жетекчилери жума күнү Брюсселде жолугушту.
Түркмөнстандын өкмөтү өлкөнүн канча газ кени бар экендигин тактоо үчүн британиялык аудит фирмасын жалдаган эле. Ал фирма ушул дүйшөмбүдө түркмөн газынын запастары зор экендигин бышыктады.
Жакында Македония менен Черногория Сербиядан бөлүнүп кеткен Косовонун өз алдынчалыгын тааныды. Бирок Европа Биримдигине кошулууга үмүткөр Сербия өз коңшуларынын мындай кадамына каршы чечкиндүү чара көргөн жок. "Азаттыктын" жардамчы директору Ненад Пейич ушул жаатта өз пикирин ортого салат.
Ушул күндөрү Чехиянын баш калаасында Форум 2000 жыйыны өтүүдө. 1997-жылдан бери жылыга өтүп келаткан был жыйында ар кыл өлкөлөрдөн укук коргоочулар, саясий ойчулдар жана саясатчылар Прагада бүгүнкү замандын көйгөйлөрү боюнча ой бөлүшүшөт. Азаттыктын кабарчысы Чарльз Рекнагелдин суроолоруна форумдун аткаруучу директору Олдрих Черный жооп берген эле.
Ушул айдын башында Ташкенде басма сөз эркиндиги боюнча семинар өттү. Укук коргоочулар Евробиримдик Өзбекстанга Анжиян окуяларына байланыштуу киргизген санкцияларын күчүнөн кетирүүнү карап жаткан мезгилде орун алган бул семинардан улам өзбек бийликтери адам укуктарына мамилесин өзгөрттү деп баалоо туура эместигин эскертишүүдө.
НАТОнун жогорку аскер башчылары союздаштардан Балтия өлкөлөрүн коргоонун чукул планын иштеп чыгууну суранышты. Айрым талдоочулар болсо Орусиянын Грузияга кол салышынан бир ай өтө электеги мындай кадам НАТОнун өз ичинен ыркын кетириши мүмкүндүгүн айтышууда.
Жыйынга Франциянын, Британия, Италиянын жана Германиянын мамлекет, өкмөт башчылары, ошондой эле Европалык Борбордук банктын жетекчиси жана Евроаймактын төрагасы чакырылган. Расмий өкүлдөрдүн айтымында, алар европалык финансы системасын турукташтыруунун бирдиктүү жолун издешмекчи. Мунун алдыңкы күнү АКШнын конгресси америкалык экономиканы куткаруунун 700 миллиард доллардык планын жактырган эле.
АКШнын Сенаты банк тармагын куткаруу планын добуштардын 74-25 катнашы менен жактырды. Бул кабар дүйнөлүк финансы системасындагы кризисти жөнгө салуу үмүтүн күч алдырды. Бирок 700 миллиард доллардык демилге мыйзамдык күчүнө киргенде да, ал АКШнын финансылык системасына болгон ишенимди канчалык бекемдей алаарын ишенимдүү айтуу азырынча кыйын болуп турат.
АКШда 10 чакты күндөн бери көпчүлүк ылаңдаган банк тармагын өкмөт кантип сактап калат деп түйшөлүп күтүп жаткан эле. Мына эми мындай план акыры макулдашылды. Буш администрациясы менен күнү-түнү сүйлөшүү жүргүзгөн Конгресс жетекчилери куткаруу планы эки палатада тең колго салууга даяр экендигин бышыкташты. План алгач бүгүн Өкүлдөр палатасында добушка коюлат, ал эми Сенат ушул аптанын аягына чейин добуш берет деп күтүлүүдө.
Беларуста ушул жекшембиде парламенттик шайлоо өтөт. Бирок бийликтер уу-дуу жыйын өткөрүп, үгүт-насаат жүргүзбөйт, оппозиция деле унчукпайт. Мындай тымтырстыктын чоо-жайына өз баянында “Азаттыктын” Минскидеги кабарчысы Юрий Дракахруст кайрылды.
Дагы жүктөңүз
