"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Аялы кыз төрөсө, төрөтканага басып келбей койгон ата тууралуу кулагыңыз чалганы барбы? Жоолукчан кыз шаардык кызга үлгү болушу керекпи, же кыздарга тапкан айлыгына жана адамгерчилине карап мамиле кылыш керекпи? Күйөөдөгү кыз бойдок кыздан эмнеси менен өйдө? Эгер сизди ушул өндөнгөн суроолор кызыктырса, аялдардын укугун талдоого жаңыча нук салган бир автордун өмүр баяны сизди да кызыктырышы мүмүн.
Маоисттер башында турган өкмөт аскер башчысын иштен кетиргенден кийин, президент ага аскер башында кала берүүгө буйруду. Анын аралыгында, маоисттердин эки шериги коалициядан чыккандыгын жарыялап, өкмөт башчысы отставкага кетти. Ошону менен 2006-жылы оорчулук менен жетишилген бейкуттук азыр бычактын мизинде турат.
Биринчи Май эмгекчилердин эл аралык майрамынын алдында Орусияда жумушчулардын нааразылык акциялары күч алды. Курал жасоочу "Молот" ишканасынын жумушчулары алты айдан бери айлык алыша элек. Жумушчулардын айрыкча нааразы болгону - ишкана жетекчилери аларга маянаны aзык-түлүк менен төлөөнү улантууда.
АКШнын баш прокурору Эрик Холдер Берлинде болгондо АКШнын Европадагы союздаштарына кайрылып, Гуантанамо камак борборунан бошотула турган кишилерди өз аймагында отурукташтырууну суранды. Холдер Вашингтон расмий өтүнүчүн айрым өкмөттөргө бир нече аптанын ичинде жиберээрин билдирди.
Кош жарандыгы бар америкалык-ирандык журналист Иран түрмөсүндө ачарчылык акциясын улантууда. Бирок түрмө дарыгери Роксана Сабери ачка болгон жок деп ырастады. Байкоочулар АКШнын пайдасына тыңчылык кылган деген айып менен 8 жылга кесилген Роксана Саберинин тагдыры АКШ менен Ирандын мындан аркы алакасына көз каранды экендигин белгилешүүдө. Анын аралыгында Францияда Сабирини бошотуу талабы менен Чек арасыз журналисттер уюмунун төрт өкүлү ачарчылык жарыялады. Алар Париждеги Иран Аба жолдорунун кеңсесинин алдында отурушат.
Ушул дүйшөмбүдө Косовонун түндүгүндө тополоң чыгып, Европа биримдигинин полициясы жүздөгөн сербдерди көздөн жаш агызуучу газ, кулак тундуруучу гранаталар менен кууп таркатты. Косоволук сербдер алар жашаган аймактарга косоволук албандарга жаңы турак-жайдын курулушуна нааразы болушууда. Былтыр көз карандысыздык алган Косоводо улуттар аралык араздашуу токтобой жаткан ушул чакта Нью-Йорктогу Колумбия университетинде Косоводогу кырдаал талкууланды.
Ирандын бир нече шаар-кыштагында мугалимдер иш ташташты. Иш шартын жакшыртып, айлыкты көбөйтүүнү талап кылган мугалимдердин айрымдары камакка алынганы кабарланууда. Иш таштагандар мугалимдердин маянасын мамлекеттик башка кызматкерлердин айлыгына теңөөнү караган мыйзамды аткарууну талап кылышууда.
Чочко сасык тумоосунун жаңы жана кооптуу түрүнүн жайылышына жол бербөө аракетинде көп өлкөлөр көзөмөл чараларын күч алдырышууда. Ошол эле убакта айрым бийлик өкүлдөрү саламаттыкка коркунуч тууралуу эскертүүдөн тополоң-тоз чыгып кетпешин кепилдөөгө аракеттенип жатышат.
Сасык тумоонун бул жаңы түрү Мексикада табылып, андан 81 кишинин өмүрү кыйылды. Бул илдетке миңден ашык адам чалдыккандыгы болжолдонууда. Дүйнөлүк саламаттык сактоо уюму абал өтө кооптуу экендигин эскерткени менен, саякаттоого чектөөлөр боюнча кандайдыр бир кеңеш бере элек.
Хиллари Клинтон АКШнын мамлекеттик катчысы болуп бекигенден бери биринчи жолу Иракка келди. Визит бул өлкөдө кан төгүү кайра күчөп, америкалык аскерлер ирактык шаарлардан кетип жаткан мезгилге туш келүүдө.
Британиянын каржы министри өлкөнүн жаңы бюжетин жарыялаганда, экономика канчалык оор абалда экендиги айгине болду. Алистер Дарлинг экономика быйыл үч жарым пайызга төмөндөй тургандыгын билдирди. Бул Экинчи дүйнөлүк согуштан берки эң начар көрсөткүч. Ал ошондой эле карыз алуу Улуттук дүң өндүрүшүнүн 12 пайызына жетээрин эскертип, бир эле мезгилде, жыл аягына чейин кайра өсүш башталат деп ырастады.
Түркия менен Армения элдешүүнүн жол-жобосун аныкташканын жарыялашты. Жарыяда мындан ары карала турган урунттуу маселелер аталбайт. Бирок ал Анкара да, Ереван да элдешүү аракетине шек келет деп кыйла чочулап турган мезгилде жарык көрдү.
Финляндиядагы эки күндүк сапары мезгилинде Орусиянын президенти Дмитрий Медведев европалык энергетикалык коопсуздук саясатынын түп-негиздерин кайра карап чыгуу ниетин жарыялады. Ал ошондой эле жаңы туруктуулук келишимин түзүү үчүн аймакта бардык тийиштүү өлкөлөрдүн жана уюмдардын башын кошуп, чоң жыйын өткөрүү ниетин бышыктады.
Көз карандысыздыктын жылдарында Кыргызстанда коомдук унаа дээрлик жок болду, америкалыктарды туурап, баары машинага миништи. Советтик доордо деле анча өнүкпөгөн темир жолдун бар-жогу деле байкалбайт. Америка демекчи, өнүккөн өлкөлөрдүн көбүнөн айырмаланып, Кошмо Штаттарында да темир жол дээрлик өнүккөн эмес. Бирок жаңы президент Обама өлкөдө арзан жана тез жүргөн темир жолдордун курулушуна миллиарддаган доллардын бөлүнүшүнө жетише алды. "Вашингтондон кат" түрмөгүнүн жаңы санында Азаттыктын кабарчысы Хизер Маер ушул темага кайрылат.
Иракта мыйзамгерлер Исламдык партиянын мүчөсү суни Аяд ал-Самарраейди паламент төрагалыгына шайлады. Ал-Самарраей шийи өкмөт башчысы Нури ал-Маликини катуу сындап келгендердин бири болчу. Фракциялардын ортосунда тиреш күчөп турганда бул эмнени билдирет?
Ушул айдын башында жүк ташыган контейнерде эс-учун билбей жаткан жеринен табылган 45 ооганды Пакистан бийликтери бошотту. Пакистандын түштүк-батышындагы Кветта шаарында 4-апрелде полиция ошол эле контейнерден дагы 45 оогандын өлүгүн тапкан эле. Бул окуя Ооганстанда адам аткезчилиги жана адам соодасы канчалык терең кризиске айлангандыгын дагы бир жолу айгинеледи.
Молдованын Борбордук Шайлоо комиссиясы оппозициядагы партияларга шайлоочулардын тизмесин текшерүүгө уруксат берди. Жекшембидеги шайлоодо Коммунисттик партия жеңүүчү деп жарыялангандан кийин баш калаа Кишиневдо тополоң чыккан эле. Кечээ президент Воронин коңшулаш Румынияны төңкөрүш уюштурууга аракеттенди деп айыптады. Бухарест бул кинени четке какты. Батыш бардык тараптарды тынчтанууга чакырууда.
Казакстандын өкмөт башчысы Карим Масимов өткөн шаршембиде мамлекеттик ишканалардан жумушчулар кетирилип, жыл аягына чейин жумушка алууга тыюу салынаарын жарыялады.
Молдовада бүгүн өкмөткө нааразы болгон демонстранттар парламентке жана президенттин кеңсесине кирип барып, өрт коюп, полиция менен кагылышты.
Италияда кечээ таң заарда болгон зилзала курмандыктарынын саны бүгүн 179гө жетти. Абруцо аймагындагы жер титирөөнүн уюлунда калган Аквила шаарчасында жана анын айланасында дагы 34 кишинин дайыны чыкпай жатат.
Дагы жүктөңүз
