"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
АКШнын мамлекеттик катчысы Хиллари Клинтон өткөн жекшембиде "Эркин Европа/Азаттык" үналгысынын Прагадагы баш кеңсесинде болуп, Эркин Ооганстан үналгысынын директору Акбар Аязи менен маектешип, ооган угармандарынын алдын-ала жаздырылган суроолоруна жооп берди. Өз маегинде Клинтон ооган аялдарынын абалына терең тынчсыздануусун билдирди.
Барак Обама бүгүн Түркияда расмий сапарын баштады. Бул анын бийликке келгенден кийин калкынын басымдуу бөлүгү мусулмандар болгон өлкөгө биринчи жолу барышы. Бирок дин менен мамлекеттин алакасы боюнча талаш-тартыш күчтүү болгон бул өлкөдө АКШнын президенти мусулман дүйнөсүнө кайрылуу жасабай тургандыгы кабарланууда.
Бүгүн Прагада сүйлөгөн сөзүндө АКШнын президенти Кошмо Штаттары өзүнүн улуттук коопсуздук стратегиясында ядролук куралдын маанисин төмөндөтүүгө нийеттүү экендигин билдирди. Обама Европа сапарында бир гана Чех жумуриятында эл алдында сүйлөдү.
АКШнын президенти Барак Обама бүгүн кечинде Прагага келип түшөт. Чехиянын баш калаасында ал бир күн болуп, Прага чебинде дүйнөнү ядролук куралдан арылтуу ниетин баяндамакчы. Бирок АКШ президентинин сапары Чехияда жергиликтүү саясат үчүн ыңгайсыз мезгилге туура келүүдө.
Түндүк Кореянын ыраакка учуучу ракетасын алдыдагы күндөрү сыноо планы эл аралык чыңалууну күч алдырды. Бир нече өлкө, анын ичинде Кошмо Штаттары бул сынакты жоопсуз калтырбай тургандыгын эскертишти.
1-апрелде АКШнын президенти Барак Обама Лондондо Чоң 20нын лидерлери менен эки тараптуу сүйлөшүүлөрдү жүргүздү. Обама президент боло электе аны Европада кучак жайып тосуп алышкан эле, бул ирет аны Лондондо кылкылдаган демонстрациялардын коллонналары каршы алууда.
1989-жылдын ноябрында Берлин дубалы кулаганда ал кезде болгону 16 өлкө мүчө болгон НАТО биримдигинин милдет-вазийпалары бардыгына айдан ачык болчу. Быйыл Хорватия менен Албания кошулса, акыркы он жылда НАТОнун курамы 28ге жетет, уюмдун эшигин кагып, кирүүгө сурангандар дагы бар. Уюмдун түзүлгөнүнө ушул аптада 60 жыл толуп жаткан тапта НАТОнун мындан аркы кеңейишинен күмөн саноолор көбөйдү.
АКШнын президенти бүгүн Лондондо Чоң 20нын самити алдында дүйнө лидерлери менен жолугушууда. Бул Барак Обаманын ишке киришкенден бери Атлантика мухитин биринчи жолу кесип өтүшү. Эртең ал бай жана орто өнүккөн өлкөлөрдүн лидерлерине кошулуп, ондогон жылдардан берки эң оор кризистен чыгуунун жолдорун талкууламакчы.
Kазакстандын түштүгүндөгү Кызыл-Ордо дубанында суу ушунча булганч болгондуктан бийлик өкүлдөрү аны ичүүгө жарабай тургандыгын эскертишти. Соңку изилдөөдөн улам, Борбор Азиядагы эң узун өзөнүнүн суусун сугатка да колдонууга болбой тургандыгы айгине болууда.
Апта соңунда Дубайда өлтүрүлгөн адам - Орусиянын бийлигин колдогон чечен кол башчысы экендиги бышыкталды. Сулим Ямалдаевди ишембиде атып кетишкен эле. Ошону менен Чеченстандын маскөөчүл президенти Рамзан Кадыровдун дагы бир оппоненти киши колдуу болду.
Орусияда уюшкан кылмыштуу топтор тасма түшүрүлгөн ДВД дисктеринин көмүскө соодасынан зор пайда табышат. Фильм каракчылыгы деп аталган бул кылмыштуу ишинде алар тартип коргоочуларга пара берип, зарыл болсо, зордуктан жана коркутуп-үркүтүүдөн да кайра тартпайт. Бул жааттагы жаңы изилдөөдө Орусияда айрым жылыштар бар экендиги айтылат.
Европа Биримдигинин учурдагы президенти болгон Чех жумуриятында өкмөт ыдырады. Борборчул-солчул коалициянын парламентте ишеним добушун ала албай калышы ички саясий талаштарга байланыштуу болду.
Орусиянын премьер-министри В. Путин Украина менен Европа биримдигинин ортосунда түзүлгөн газ планын «кесипкөйлүккө жатпаган» макулдашуу деп сындады. 23-мартта жарыяланган планда Евробиримдик Украинанын газ куурун оңдоп-түзөөгө убада кылды. Украина өзүнүн энергетика тармагындагы айкындуулукту күч алдырууга сөз берди.
Македониядагы президенттик шайлоо өлкөнүн Европа Биримдигине жана НАТОго кошулушу үчүн чечүүчү мааниге ээ. Былтыр парламенттик шайлоодо чыккан куралдуу кагылышта бир кишинин өмүрү кыйылган эле.
Аляксандр Казулин 2006-жылы Беларуста президент Алeксандр Лукашенко менен президенттик таймашка катышкан. Анда утулуп калгандан кийин түрмөгө түшүп, 56 күн ачарчылык жарыялап, анын аралыгында аялы Ирина рактан көз жумду.
Европа биримдиги бүгүн мурдагы советтик алты өлкө, анын ичинде Азербайжан жана Беларус менен Күн Чыгыш Кызматташттык программасын жарыялады. Орусиянын кысымы күч алып жаткан чакта орток алакаларды кеңейтүүнү көздөгөн кызматташтык Украина, Грузия, Армения, Молдовага да сунушталды. Бирок мындай сунушта алты өлкөнүн Евробиримдикке кириш мүмкүнчүлүгү тууралуу сөз айтылган эмес.
Истамбулда ушул аптада Бешинчи суу самити уланууда. 130 өлкөнүн расмий өкүлдөрү, активисттер жана бизнесмендер суу маселесин чечүүнүн ар кыл жолдорун издешүүдө. .
19-мартта Чехиянын баш калаасында Адам укуктары боюнча даректүү тасмалардын "Бир Дүйнө" кароосу соңуна чыгууда. 40 чакты өлкөдөн 130тай тасманын ичинен башкы сыйлыкты Калифорниядагы жарды адамдардын турмушун чагылдырган "Деңиз деңгээлинен төмөн" деген тасма жеңип алды.
2000-жылдын башында интернет технологиясынын акциялары кескин арзандап кетиши мүмкүн экендигин aлдын-ала эскерткен адистер болгон. Алардын бири Йел университетинин профессору Роберт Шилер учурдагы экономикалык кризисти козуткан АКШдагы турак-жай базары кыйрандыга туш келээрин да мурдатан эскертип келген. .
Беларуста полиция кызматкерин жаманатты кылды деген кине менен үй камагына кесилген 33 жаштагы укук коргоочу асынып өлдү. Беларустун активисттер чөйрөсүндө коркутуулар жана кысымга алуулар көп учурайт. Яна Палякованын өлүмүнө беймаза болгон байкоочулар жана укук коргоочулары бул окуянын чоо-жайын тактап, тергөө жүргүзүүнү талап кылышууда.
Дагы жүктөңүз
