"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Түндүк Корея Корей согушунан кийин кол коюлган элдешүүдөн баш тартып, ошондой эле ар кандай душманчыл аракеттерге куралдын күчү менен жооп бере тургандыгын эскертүүдө. Түндүк Корея ал келишим боюнча кандай милдеттенме алган, андан азыр эмне үчүн баш тартып жатат?
Борбор Азиянын мунай-газга бай жумурияттары убап-чубаган чет элдик ишкерлерге, саясатчыларга көнүп бүтүшкөн. Европадан келген мындай коноктор адатта кур кол кетишчү. Бирок Орусиянын үстөмдүгүнөн тажаштыбы, кийинки кездери бул өлкөлөр Евробиримдик менен жакындашууга ыктай башташты.
5-июнь - Айлана-чөйрөнү коргоонун дүйнөлүк күнү ар түрдүү иш-чаралар менен белгиленди. Ушул жаатта Европа Биримдигинин президенти болгон Чехияда экология министринин орун басары Ян Дусик "Азаттыктын" суроолоруна жооп берди.
5-июнь - Эл аралык Айлана-чөйрөнү коргоо күнү. Бул күндү дүйнөдө ар түрдүү иш-чаралар менен белгилешүүдө. Казакстанда велосипед жүрүшүнө, ал эми Кыргызстанда тоо чокуларын тазалоо иштерине даярдык көрүлүп жатат. Бирок турмуш каатчылыгы, экологиялык аң-сезимдин, коомдук демилгенин жана демократиялык эркиндиктердин чектелүүлүгү табигатты коргоого кесепетин тийгизип келатат. Адистер экология экономикага кедерги эмес экендигин айтышууда.
АКШнын президенти Барак Обама мусулман дүйнөсүнө кайрылуу жасады. Египетте, Каир университетинде сүйлөгөн сөзүндө Обама «Америка менен Ислам атаандаш болушу керек эмес», «орток алакалар өз ара сый-урматка» негизделиши керек деди. Ал ошондой эле зордукчул экстремисттер Батыш менен мусулмандардын ортосундагы чыңалууну өз кызыкчылыгында пайдаланып келатышканын, бирок кеп исламда эмес, Ислам тынчтыкты бекемдөөнүн куралы болуп калышы керек экендигин белгиледи.
Үстүбүздөгү жылы Чыгыш Европада коммунизмдин кулаганына 20 жыл толууда. Бирок бул аймакта да, Орусия, Украина, Беларус өңдөнгөн экс-советтик жумурияттарда да чет элдиктерге, түпкүлүктүү деп саналбаган улуттардын өкүлдөрүнө карата жек көрүүчүлүктөн чыккан зөөкүрдүк уламдан улам күч алып барат. Пост-коммунисттик коомдордо ксенофобиянын арааны эмнеден күчөп жатат?
Өткөн кылымда Кошмо Штаттары Латын Америкасында коммунизмге болушунча каршылык көрсөтүп, бул үчүн улутчулдарды да, оңчул режимдерди да колдоп келген. Бул биринчи кезекте коммунисттик Кубага тийешелүү. Мына эми президеинт Обаманын администрациясы Гавана менен айрым маселелерди талкуулоого даяр экендигин билдирүүдө. Бул өз кезегинде АКШнын Латын Америкасы менен алакасындагы олуттуу бурулушту каңкуулайт.
Түндүк Кореянын жол башчысы Ким Чен Ир бийликти атасынан мураска алган эле. Эми ал өз ордуна кичүү уулун калтырууга даярдык көрүп жаткандыгы кабарланууда. Айрым маалыматтарга караганда, жүрөгү оорулуу экендиги айтылып жүргөн Ким Чен Ир өкмөттөн уулу Ким Чен Унга баш ийебиз деп ант берүүнү талап кылды.
"Бир миллиард мусулмандын ойлогон ою кандай?" Ушундай аталыштагы жаңы даректүү тасма бардык мусулман өлкөлөрүндө жүргүзүлгөн сурамжылоонун жыйынтыгына таянып тартылган. Анын Вашингтондогу премьерасы АКШ президентинин мусулман дүйнөсүнө кайрылуусу менен бир мезгилде туура келүүдө.
Америкалык Женерал Моторстун Европадагы ишканаларын ким сатып алыш керек деген маселенин башы ачылбай, машина жасоочу Опел ишканасынын келечеги боюнча сүйлөшүү үзгүлтүккө учурады. Бул ЖМдин Европадагы, анын ичинде Орусиядагы 10 миңдеген жумушчуларын түпөйүл сезимде калтырды.
Глобалдык кризистин шартында байманалуу жана демократиялу өлкөлөрдө бийликтер жарандарына электр кубатын арзандатып, муздаткыч же машина алганга талон таркатып, дагы башка чараларды көрүп жатат. Ал эми жарды бирок эркиндиктер чектелген мамлекеттерде ансыз да жарыбаган социалдык жыргалчылыктар кыскарып, ошол эле мезгилде саясий куугунтуктоолор күч алып жатат. Бул тууралуу үстүбүздөгү жыл боюнча Эл аралык "Мунапыс" уюму жарыялаган отчетто да айтылат.
АКШда президент Обама Жогорку сотту жетектөөгө федералдык сот Соня Сотомайордун талапкердигин көрсөттү. Сотомайор - түбү Пуерто-Рикодон, талапкердиги жактырылса, ал АКШнын эң жогорку тогуз мүчөлүү сотун башкарган алгачкы теги испан америкалык болуп калмакчы. Айрым байкоочулар анын көрсөтүлүшүн саясий кадам деп баалашууда, себеби АКШда эң тез көбөйүп келаткан испан тилдүү азчылылтык өкүлү маанилүү кызматка келсе, бул келечектеги шайлоодо демократтарга жагымдуу жагдай жаратмакчы.
21-22-май күндөрү Хабаровскиде Евробиримдик менен Орусиянын чоң жыйыны өткөнү жатат. Кытай менен чек арага жакын жердеги шаардагы самиттин күн тартибин бүгүн Брюсселде биримдиктин тышкы иштер министрлери талкуулашууда. Министрлер Молдова, Грузия, Иран боюнча ортодогу талаш жагдайларды талдашат.
Иранда Яас Но басылмасы алты жылдык тыюудан кийин жаңы бир санын чыгарганга үлгүрдү. Маданият министрлигине ылайык, аты «Жаңы жасмин» деп которулган гезиттин иши Тегерандын баш прокурору, мурда бул гезитти бир нече жолу жаптырган Саед Мортазавинин «талабы» менен токтотулду.
АКШ Сенатынын комиссиясында 13-май шаршембиде мурдагы президент Жорж Буштун мезгилиндеги сууга тумчуктуруу сыяктуу катаң сурак методдоруна жол берген саясат боюнча угуулар башталды. Президент Барак Обаманын Демпартиясынын мүчөлөрүнүн айтымында, бул жана кийинки угууларда мындай сурак ыкмаларын колдонуу катачылык болду беле, андан өлкө кандай жыйынтык чыгарышы керек деген суроолорго жооп изделмекчи.
Буга чейинки турумун өзгөртүп, АКШнын президенти Барак Обама террорчулар деп шектелген адамдарды америкалык аскер кызматкерлери кыйнап жаткандыгын көрсөткөн жүздөгөн сүрөттөрдү ачыкка чыгаруудан баш тартты. Мындай күтүлбөгөн жарыясын жасаганда Обама катаң сурак ыкмалары үчүн жоопкерлерди кечирбей тургандыгын, бирок сүрөттөр чет өлкөлөрдөгү америкалык аскерлерге карата терс маанайды күч алдырат деп кооптонуп жаткандыгын билдирди. Сүрөттөрдү ачыкка чыгарбоо чечими укук коргоочуларды катуу кабатыр кылды.
Бириккен Улуттардын качкындар агенттиги акыркы бир нече күндө Пакистандын Ооганстан менен чектеш түндүк-батыш аймагындагы согуш аракеттеринен жарым миллион киши качкандыгын билдирүүдө. Уюм Сват өрөөнүндөгү талиб согушкерлерине каршы Пакистан армиясынын чабуулунун мезгилинде дагы 500 миң киши үй-жайынан ажырашы мүмкүн экендигин эскертти.
Европа Биримдиги бүгүн Борбор Азия жана Жакынкы Чыгыштагы сегиз өлкө менен узак мезгилдүү энергетикалык жана унаа байланышын түзүү багытында сүйлөшүү өткөрүүдө. Биримдик биринчи кезекте Орусиядан көз карандылыгын азайтуунун далалатында болуп жатат.
Азаттыктын орус кызматынын кабарчысы Олга Романова учурдагы кризиске байланыштуу ой-пикирлери менен бөлүшөт.
Учурдагы дүйнөлүк экономикалык дымыгуу шартында АКШ президенти Барак Обаманын алдында эки орчундуу маселе турат. Ал – жумушчу орундарын көбөйтүү жана өлкөнүн зор бюжеттик тартыштыгын азайтуу. Ушул шейшембиде Обама эки кийикти бир ок менен ата турган программасын жарыялады.
Дагы жүктөңүз
