29-апрелге шайлоо белгиленген Кемин жана Отузадыр шайлоо округдары боюнча Жогорку Кеңешке депутаттыкка бир да талапкер расмий сунуштала элек. Ошол эле учурда бул эки округдан депутаттыкка талапкер катары экс-президент Аскар Акаевдин кызы жана азыркы президент Курманбек Бакиевдин иниси ат салышаары тууралуу коомчулукта кеңири сөз болуп, ал ар кыл өңүттө талкууга алынууда.
Кыргызстандын татыктуу келечеги деп аталган бирдиктүү фронттун түзүлүшү бул аптанын саясий айдыңындагы негизги окуя болду. Жаңы саясий уюм өзүнүн радикалдуу максаттары менен коомчулуктун көңүлүн бурду.
Кыргызстан конституциялык, экономикалык жана социалдык рефомаларга муктаж. «Жарандар коррупцияга каршы» укук борбору 2006-жылдагы адам укуктарынын абалын иликтеп чыгып, ушундай жыйынтык чыгарды. Борбор ошондой эле Кыргызстанды ыңкылап жана жаңжалдар болгон өлкө катары белгиледи.
Президент Курманбек Бакиевдин тандемдеши, «Ар-намыс» саясий партиясынын негиздөөчүсү Феликс Кулов оппозицияга кетти. Апта ортосунда жарыяланган мындай билдирүүсүн саясатчынын тилектештери да, атаандаштары да ар башка кабыл алып жатышат.
29-апрелде №40 Отуз адыр жана №57 Кемин шайлоо округдарында Жогорку Кеңештин депутаттарын шайлоо болот. Буга байланышкан жардыкка президент Курманбек Бакиев 12-февралда кол койгон. Анын негизинде Борбордук шайлоо комиссиясы бүгүн бул эки округда шайлоону уюштуруу маселесин карады.
Мурда кабарлангандай, экс-премьер министр, «Ар Намыс» саясий партиясынын негиздөөчүсү Феликс Кулов президент Курманбек Бакиевдин саясатын кескин сынга алып, өлкөдөгү чачыраган күчтөрдү бириктирүүгө даяр экенин билдирди. Мындай билдирүүгө ишенбөөчүлүк менен караган саясатчылардын бири, Куловдун эзелки өнөктөшү, Социал-демократтар партиясынын лидери, «Реформа үчүн!» кыймылынын теңтөрагасы Алмаз Атамбаев болду. Саясатчыга кабарчыбыз Бурулкан Турдубек кызы бир катар суроолор менен кайрылды.
Экс-премьер-министр Феликс Кулов «Реформа үчүн!» кыймылынын колдоосуна ээ болобу-жокпу? Бул маселе азырынча туюк бойдон турат. Анткен менен экс-премьер-министрдин расмий бийликке оппозицияга чыгышын саясатчылар менен коомдук ишмерлер ар кыл өңүттө талдап жатышат. Алардын ичинде «Реформа үчүн!» кыймылынын мүчөлөрүнүн көз караштары да бирдей чыккан жери жок.
Экс-премьер-министр, «Ар намыс» партиясынын негиздөөчүсү Феликс Куловдун оппозицияга өтө тургандыгын жарыя кылышы саясий чөйрөдө ар кыл пикирлерге, көз караштарга жем таштады. Кыргызстанда таасирдүү саясатчылардын катарында саналган Куловдун акыркы билдирүүсүн колдогондор да, сынга алгандар да көп болууда.
Кыргызстанда митингдерге, нааразылык акцияларына, жөө жүрүштөргө чек коюу демилгеси быйыл кайрадан көтөрүлдү. Жогорку Кеңештин депутаты Мурат Жураев мыйзам долбоорун иштеп чыгып, парламенттин кароосуна сунуштаганы жатат. Мындай демилге коомдук-саясий чөйрөдө Конституцияга каршы мыйзам катары бааланып, ишке ашпай турган демилге катары белгиленүүдө.
Кыргыз өкмөтүнүн жаңы түзүмүнө байланышкан парламенттеги талкуу өлкөнүн коомдук-саясий чөйрөсүнүн көңүл чордонундагы башкы окуя болду. Бирок, үч күнгө созулган талкуудан жыйнактуу тыянак чыкпай, парламент талкууну дүйшөмбүгө чейин токтото турууга аргасыз болду.
Өкмөттүн түзүмүнө байланыштуу макулдашуу комиссиясын түзүү демилгеси бүгүн парламентте колдоо таппай калды. Каршы болгон депутаттардын айрымдары бул демилгени өкмөттүн милдеттерин кошо талашуу катары баалашты. Президент 30-январда парламентке сунуштаган өкмөт түзүмү жөнүндөгү мыйзам долбоорунун тагдыры бир ыктай чечиле элек. Президент долбоорду кайра кайтарып алуу маселесин көтөрө элек. Өкмөт башчы долбоорду кайтарып ала тургандыгын кечээ парламентте билдирген болчу. Депутаттар ага мындай укук берилбегендигин бүгүнкү талкууда айтып чыгышты.
Кечээ Жогорку Кеңештин комитет төрагалары премьер- министр Азим Исабековдун катышуусунда кыргыз өкмөтүнүн жаңы түзүмүнө байланышкан маселени талкуулашты. Премьер-министр парламенттин сунушунун негизинде бүгүн (бейшембиде) парламентке структуранын долбоорун сунуштоону убада кылды.
Президент Курманбек Бакиев бүгүн Конституциянын жаңы редакциясына кол койду. Парламент 30-декабрда кабыл алган бул баш мыйзам эми маалымат каражаттарына жарыялангандан кийин күчүнө кирмекчи.
Баш мыйзамдын президенттин кол коюусуна сунушталган нускасы менен парламент 30-декабрда кабыл алган нускасынын ортосунда ыйгарым укуктарга байланышкан олуттуу айырмачылык бар. Жогорку Кеңештин депутаты Азимбек Бекназаров бүгүн ушундай мазмундагы билдирүү жасап, президентти кол койбоого чакырды. Баш мыйзамдын жаңы редакциясы 31-декабрдан бери президенттин кароосунда турат. Бейшембиде өткөн Коопсуздук кеңеши бул документке кол коюуну президентке сунуштаган болчу.
Бишкек-Стамбул сапарында Жогорку Кеңештин депутаты, «Социал-Демократтар» партиясынын төрагасынын биринчи орун басары Темир Сариевдин ири өлчөмдөгү акча менен кармалып, ал факт боюнча башкы прокуратура 9-январда кылмыш козгогон. Кыйла байкоочулар бул окуя депутат Темир Сариевге саясий упай топтоп, ал аркылуу оппозиция өзүнө коомчулуктун көңүлүн дагы бир ирет бурдура алды деп жатышат.
Кыргызстан менен Өзбекстан ортосунда визасыз каттам жөнүндөгү алтымыш күндүк макулдашуу жакында күчүнө кирет. Президенттин басма сөз кызматы Кыргыз парламенти ратификациялаган бул макулдашууга президент Курманбек Бакиев кол коюу алдында турганын кабарлады. Өзбек парламенти ратификациялаган аталган документке президент Ислам Каримов шаршемби күнү кол койгондугу мурда кабарланган. Эки тышкы иштер министрликтери кол коюлган документтер боюнча нота алмашкан соң, алар расмий күчүнө кирмекчи.
Жогорку Кеңеш «Аскерий уюмдарга парламенттик көзөмөл жөнүндө» мыйзам кабыл алды. Ага ылайык эми парламентте аскерий мекемелерге көзөмөл жүргүзүү боюнча өкүлчүлүк түзүлүшү керек. Бирок, аталган мыйзамды бир катар депутаттар артык баш демилге катары сындап жатышат.
Башкы прокуратура Жогорку Кеңештин депутаты Темир Сариевге байланышкан факт боюнча кылмыш козгоду. 9-январда атайын кызматтын өкүлдөрү Темир Сариев жүз миң доллар каражатты каттабай туруп чет өлкөгө чыгарып баратат деген негиз менен «Бишкек-Стамбул» аба сапарынан кармашкан. Бул окуяны Сариев муну бийликтин куугунтугу катары чечмелеп эч кандай мыйзам бузбагандыгын билдирген.
Жогорку Кеңештин депутаты Темир Сариев жүз миң долларды каттоосуз Кыргызстандан чыгарып баратат деген шек менен 9-январда «Манас» аба майданында кармалган. Ушул эле күнү депутат мындай маалыматты төгүндөп, окуяны бийликтин кезектеги чагымы катары сыпаттады.
Кыргызстандагы оппозициячыл саясатчыларга каршы чагымчыл аракеттер күчөдү. «Реформа үчүн!» кыймылынын мүчөлөрү, Жогорку Кеңештин депутаттары Темир Сариев менен Өмүрбек Текебаев бүгүн ушундай билдирүү жасашты. Билдирүүгө Бишкек-Стамбул сапарына чыккан депутат Темир Сариевден жашыруун алып чыгып бараткан жүз миң доллар табылгандыгы жана депутат Өмүрбек Текебаевдин атынан экс-президенттин дарегине жазылган каттын таратылышы негиз болду.
Дагы жүктөңүз
