Президент К. Бакиевдин Жарлыгы менен бир эле күндө жогорку бийлик эшелонундагы он беш атка минер кызматынан алынды. Кызматтан түшкөн кадрлар президентин соңку чечимдерин саясий зарылчылык деп айтып жатышат.
АКШнын Борбордук командачылыгынын башчысы, генерал Дэвид Петреус Кыргызстанга таанышуу сапары менен келди. Бүгүн ал Бишкекте расмий жетекчилер менен жолугушуп, стратегиялык өнөктөштүк маселелерин талкуулап жатат.
Баш прокуратура 2008-жылдын жыйынтыгын чыгарып, алдыдагы милдеттерин тактады. Коомдук-саясий чөйрөнүн бир бөлүгү болсо прокуратура мыйзамга эмес, бийликке кызмат кылып калды деп сындап келатат.
Өтүп бараткан аптада Кыргызстанда саясий куугунтукка каршы күрөш комитети түзүлдү. Бул оппозициялык саясатчыларды коргоо демилгеси менен чыккан алгачкы көз карандысыз коомдук уюм катары бааланууда.
Президенттик администрация башчысы Медет Садыркулов 8-январда өз каалоосу менен кызматынан кетти. Жаңырган жылдын алгачкы аптасы бийлик төрүндөгү ушундай дүңгүрөгөн окуя менен башталды.
Орусия Кыргызстанга убада кылган 2 млрд. доллар кредиттин шарттары ушул айда такталып, меморандумга кол коюлары күтүлүүдө. Бул президент К. Бакиевдин ушул айга белгиленген Москва сапарына байланыштырылууда.
Кыргыз оппозициясы Адам укуктары жана эркиндиктери институтунун алдында саясий куугунтукка каршы комитет түзүүгө кам көрүүдө. Бийликчил саясатчылар оппозиция өз атын даңазалап жатканын айтышууда.
Кыргызстанда өткөн жылдагы бийлик менен оппозиция ортосундагы саясий күрөш эмнеси менен эсте калды? Бул өңүттө жыл башында коомдук саясий чөйрөдө түрдүү көз караштар айтылууда.
Өтүп бараткан 2008-жылы сөз эркиндиги жана журналистика тармагында кандай өзгөрүүлөр болду. Бул суроого жооп издеп, “Азаттык” Кыргызстандын медиа өкүлү Илим Карыпбековду түз маекке чакырды.
2008-жылы Кыргызстандын оппозициясы эмне иш менен алектенди жана андан кандай майнап чыгарды? Жыл жыйынтыгына арналган “Азаттыктын” кезектеги түрмөгү ушул маселени козгойт.
Ишембиде прокуратура, коопсуздук кызматкерлери Кыргызстан элдик революциялык кыймылынын кеңсесине күтүүсүз барышты. Кыймылдын лидерлери бул иш-аракетти мыйзамсыз тинтүү деп баалашты.
Өтүп бараткан аптада Кыргызстан дүйнөнүн башка мамлекеттеринин катарында Адам укуктарынын жалпы декларациясынын 60 жылдыгын белгиледи. Бул күнгө Кыргызстан эмне менен келди?
Бүгүн Жогорку Кеңеш президент Курманбек Бакиевдин сунушу боюнча УТРКнын Байкоочулар кеңешинин курамын бекитти.
Адам укуктарынын жалпы Декларациясынын 60 жылдыгын Кыргызстан да белгиледи. Акыйкатчы бул күнү жыйын өткөрүп, ага эл аралык, жергиликтүү укук коргоочулар, расмий бийлик, оппозиция өкүлдөрү катышты.
Президент К. Бакиев эң жакын кеңешчиси Үсөн Сыдыковду эс алууга кетирди. Ага удаа президент коомдук палата түзөөрүн жарыялап, “Жаңы Кыргызстан” партиясы оппозициялык күчтөр менен сүйлөшө баштады.
Оппозицияда соңку учурда биригүү аракеттери болуп жаткан менен баарынын башын кошкон, алдыга суурулган лидер чыкпай жатат. Талдоочулар буга эң оболу оппозициядагы менменсинген саясатчылардын амбициялары тоскоол экенин айтышууда.
Жогорку Кеңештин Билим, илим, маданият жана маалымат саясаты боюнча комитетинин төрагасы, СДП фракциясынын башчысынын орун басары Иса Өмүркулов УТРКдагы соңку жагдай, жалпы эле өлкөдөгү сөз эркиндигинин абалы тууралуу “Азаттыктын” түз ободогу суроолоруна жооп берди.
“Улуу биримдик” саясий партиясынын төрагасы Эмилбек Каптагаев оппозициянын акыркы аракеттери, өзүнө каршы козголгон кылмыш иши тууралуу “Азаттыктын” таңкы түз ободогу суроолоруна жооп берди.
Дүйнөнү каржы кризиси каптап турган кездеги Кыргызстандын бүгүнкүсү жана келечеги президент Курманбек Бакиев апта бою ар кандай жолугушуулар аркылуу козгогон башкы маселе болду.
Бир катар оппозициялык күчтөр декабрь айында бир нече нааразылык акцияларын уюштурууну көздөшүүдө. Мыйзам чыгаруучулар болсо мыйзамда көрсөтүлбөгөн жерлерде акция өткөрүүгө тыюу салынарын эскертүүдө.
Дагы жүктөңүз
