"Азаттыктын" Бишкектеги бюросунун кызматкери, журналист, педагог-режиссер.
“Манас” аба майданындагы АКШнын аба базасын чыгаруу боюнча кыргыз өкмөтүнүн чечими кечээ парламенттен колдоо тапты. “Азаттыктын" түз обосундагы талкууда мына ушул маселенин айланасында сөз болду.
Ысык-Көлдөгү “Мээрим булагы” менчик балдар үйүнүн тегерегиндеги окуялар боюнча “Азаттыктын” түз ободогу суроолоруна ЖК депутаты, балдар үйүндөгү абалды иликтөө максатында түзүлгөн парламенттик комиссиянын мүчөсү Гүлжамал Султаналиева жооп берди.
Орустун динаятчысы Даниил Сисоевдин Кыргызстанды православиялык аймак кылуу керек деген ой-тилегин билдирип жатканын Интернет сайттар жазып чыкты. Теология илимдеринин доктору, «Арашан» гуманитардык институтунун дин таануу бөлүм башчысы Бакыт Мурзубраимов “Азаттыктагы” чакан маекте орус православиясын Кыргызстанда жайылтуу аракеттеринин келечеги жок деп билдирди.
Жогорку Кеңеште бүгүн АКШ авиа базасын Кыргызстандын аймагынан чыгаруу маселеси каралаары күтүлүүдө. Бул маселенин тегерегинде "Азаттыктын" түз ободогу суроолоруна "Ак жол" фракциясынын депутаты Табылды Орозалиев жооп берди.
Улуттук аттестациялык комиссия учурда илимий кадрларды даярдоо боюнча 2008-жылы жасалган иштердин жыйынтыгын чыгарып жаткан кез. Өткөн жылда корголгон илимий иштердин сандык жана сапаттык көрсөткүчтөрү жөнүндө “Азаттыктын” толкунундагы чакан маекте Улуттук аттестациялык комиссиянын төрагасы, академик Алтай Бөрүбаев айтып берди.
Түп районундагы “Мээрим булагы” деп аталган менчик балдар үйүнүн кызматкерлери жана мурдагы тарбиялануучулары Жогорку Соттун чечимине нааразылык билдиришип, ачкачылык жарыялашты. Аталган балдар үйүнүн жетекчиси Гүлнара Дегенбаева анын себеп-жөнү тууралуу “Азаттыктын” түз ободогу суроолоруна жооп берди.
АКШ аскерий базасын өлкөдөн чыгаруу кыргыз-америка мамилелеринин бузулушуна алпарат, анын залалы биринчи иретте экономикага тиет. Саясат таануучу М.Намазалиев "Азаттыктагы" маегинде мына ушундай пикирин бөлүштү.
Жалала-Абаттагы кыргыз-түрк лицейинин 38 окуучусу өткөн жуманын соңунда тамак-аштан ууланып, областык ооруканага түшкөнү тууралуу маалыматтар болгон эле. Ошол эле учурда жергиликтүү билим берүү тармагынын өкүлдөрү эч кандай уулануу болбогонун айтышууда. Бул маселенин тегерегинде Жалал-Абат шаарынын башчысы Тилек Акамбаев “Азаттыктын” түз обосунда кеп салып берди.
Бириккен элдик кыймылдын штаб башчысы Азимбек Бекназаров оппозициялык бул кыймылдын акыркы чечимдери жана мындан аркы аракеттери тууралуу “Азаттыктын” түз ободогу суроолоруна жооп берди.
"Кыргызстан патриоттору" партиясы да өз курултайын өткөрүп, өлкөдөгү коомдук-саясий абалга баа берип, кайрылуу кабыл алды. Ушул курултайда каралган маселелер боюнча партия төрагасы Алмаз Орозбаков "Азаттыктын" түз обосунда кеп салып берди.
“Азаттыктын” таңкы берүүлөрүнүн маектеши белгилүү саясат таануучу Бекбосун Бөрүбашев болду.
Маданият жана маалымат министрлигинин алдындагы кинематография департаментинин жетекчиси Абибилла Пазылов кыргыз киносундагы быйылкы иш пландар боюнча “Азаттыкка” азын-оолак айтып берди.
Коомдук Ордо Кеңеш ушул аптада алгачкы жыйынын өткөрүүсү күтүлүүдө. Айрым байкоочулар Жогорку Кеңеш турганда бюджеттен ири каражат жумшап Коомдук палата түзүүнүн кажети жоктугун айтышууда.
Белгилүү укук коргоочу Рамазан Дырылдаев адам укуктарына байланышкан өлкөдөгү жагдай жана соңку коомдук-саясий кырдаал тууралуу “Азаттыктын” түз ободогу суроолоруна жооп берди.
Өткөн жылдын жыйынтыгын чыгарган жыйында дүйнөлүк кризистин өлкө экономикасынын бардык тармактарына таасири тийиши мүмкүндүгү, экономикалык реформа кыйынчылык менен алдыга жылып жатканы айтылды.
Оппозициялык Бириккен элдик кыймылдын өкүлдөрү жакын арада президент Курманбек Бакиев менен жолугушууну болжошууда. Анда негизинен оппозициядагы саясатчыларды куугунтуктоону токтотуу талабы коюлмакчы.
Өкмөттүн "Манас" аба майданындагы АКШ базасын чыгаруу чечимин парламенттин Коргонуу, коопсуздук, тартип жана соттук реформа комитети жактырды. Аны эми ЖКнын бул маселеге тийиштиги бар калган комитеттери да карашы керек.
Президент Бакиев кыргыз өкмөтү өлкөдөн АКШнын аскерий базасын чыгаруу тууралуу чечим кабыл алганын жарыялады. Айрым серепчилер бул чечимди өлкөнүн тышкы саясатындагы чоң катачылыгы катары баалоодо.
Бириккен элдик кыймылдын лидерлери оппозицияны колдогон кыймылдын жер-жерлердеги активдүү өкүлдөрүнө жана алардын жакындарына дагы укук коргоо органдары тарабынан куугунтук күч алып баратканын билдиришүүдө.
БЭКтин Улуттук кеңеши президент К.Бакиевге кызматынан мөөнөтүнөн мурда кетүүсүн талап кылган ачык кат жолдоду. Президенттин басма сөз кызматы оппозициянын дооматын негизсиз деп четке какты.
Дагы жүктөңүз
