"Азаттыктын" Бишкектеги бюросунун кызматкери, журналист, педагог-режиссер.
Ушул жылдын 24-мартынан 2-апрелге чейин Кыргызстанда эл жана турак-жайларды каттоо өтмөкчү. Айрым укук коргоочулар бул эл каттоо үстүртөн жүргүзүлүп калышы мүмкүндүгүн айтышууда.
“Ата Мекен” партиясынын төрагасы Ө.Текебаевге Кара-Буура райондук ички иштер бөлүмү кылмыш ишин козгоду. Оппозиция өкүлдөрүнө минтип кылмыш иштерин козгоо коомчулукта саясий куугунтук катары бааланууда.
15-январда Бишкектеги бильярд клубдарынын, сауна жана акча алмаштыруучу жайлардын ээлери жаңы Салык кодексине наарызылыгын айтышып, ай сайын төгүүчү төлөмдөрүн мурдагы өлчөмүндө калтыруу талабы менен парламент алдына пикетке чыгышты
Бүгүн Жогорку Кеңеште жарым сааттык ар түрдүү маселелерди талкуулоодо электр, газ, айыл чарба тармагы жана Орусия берет деген насыя акча боюнча бир катар маселелер козголуп, өкмөткө тапшырмалар берилди.
Саясий куугунтукка каршы комитеттин төрагалыгына Т.Тургуналиев шайланды. Бул коомдук бирикме адам эркиндиктеринин жана укуктарынын бузулушуна, саясий куугунтуктун бардык түрлөрүнө каршы күрөшмөкчү .
2008-жылы Кыргызстанда эркиндиктин деңгээли төмөндөп кеткени тууралуу "Фридом Хаус" уюмунун отчетунда көрсөтүлүшү кашкайган чындык, деген пикирлерин өлкөдөгү жарандык уюмдардын өкүлдөрү билдиришүүдө.
12-январда оппозициялык Бириккен элдик кыймылдын Улуттук кеңеши алгачкы жыйынын өткөрүп, январь айынын соңунда энергетика тармагын менчиктештирүүгө каршы саясий акция өткөрүү сунушу колдоого алынды.
Жаңы жыл алдында Кыргызстан Өзбекстандан газдын миң кубометрин 240 доллардан сатып ала турган болуп келишим түздү. Байкоочулар газга баанын көтөрүлүшү карапайым калкка оорчулук келтирерин айтышууда.
Бириккен элдик кыймылдын саясий бюросу жыйын өткөрүп, уюштуруу иштерин, январь айындагы иш планын карады. 12-январда Бириккен элдик кыймылдын Улуттук кеңешинин биринчи отурумун өткөрүү макулдашылды.
Жогорку Кеңеш энергетика тармагындагы ишканалардын мамлекетке үч миллиард сомдон ашык карызын кечүү жөнүндө чечим кабыл алды. Бул чечимге коммунисттер жана социал-демократтар фракциялары каршы чыкты. Бул маселе боюнча Жогорку Кеңештеги коммунисттер фракциясынын мүчөсү, депутат Анаш Сейитказиев “Азаттык” менен ой-пикир бөлүштү.
Бишкекте социологдордун кезектеги жыйыны өттү. Анда Кыргызстанда социологдор ассоциациясын түзүү маселеси каралды. Аталган маселенин чоо жайы белгилүү социолог окумуштуу Кусейин Исаевдин “Азаттыктагы” маегинде айтылат.
Оппозициянын "Бириккен элдик кыймылына" киргенден кийин Исмаил Исаковдун “Жаңы Кыргызстан” партиясынын баш катчылыгынан бошотулгандыгы жөнүндө маалымат тарады. "Жаңы Кыргызстан" партиясынын баш катчысы Исмаил Исаков "Азаттыктагы" маегинде бул окуяны ага каршы атайын бийлик тарабынан жасалган аракет катары сынга алды.
Бийликтин “Ак жол” партиясынын активисттери оппозициянын жаңы куралган “Бириккен элдик кыймылын” бийликке майнапсыз ультиматумдарды коюп, өлкөдөгү стабилдүүлүктү буза турган күч катары сынга алып жатышат. Жогорку Кеңештеги «Ак жол» фракциясынын депутаты Автандил Арабаев “Азаттыктагы” маегинде БЭКтин мыйзамдуу бийликти кетиребиз деген аракеттери мыйзамды бузууга жатат деп билдирди.
Оппозициянын “Бирдиктүү элдик кыймылы” президент К. Бакиевге элден кечирим сурап, өз эрки менен бийликтен кетип калуу жөнүндө ультиматум койду. Эгер Бакиев бул талапка баш ийбесе, анда БЭК февраль айында элге чыгып, азыркы бийликти сындыруу аракеттерин баштайт. Бул жөнүндө бүгүн “Азаттыктагы” маегинде “Элдик революциялык кыймылдын” лидери Азимбек Бекназаров билдирди.
Кыргыз бийлиги улуттук макамын алып жүргөн жогорку окуу жайлардын ректорлорун шайлоону токтотуп дайындоо жолуна өтүп жатат. Жакында Улуттук Университеттин ректорун президент К. Бакиев өз Жарлыгы менен дайындады. Бул маселе боюнча “Азаттыкта” эл аралык билим берүү боюнча эксперт Аскарбек Мамбеталиев ой-пикир бөлүштү.
“Бириккен элдик кыймылга” баш кошкон оппозициялык саясий күчтөр азырынча бир лидерди тандабайт. «Ата мекен» партиясынын лидери Ө. Текебаевдин айтымында, лидер Кыргызстандын шартында биригүүнүн эмес, бөлүнүүнүн фактору болуп калышы мүмкүн.
Кыргыз өкмөтү жаңы жылдан баштап өлкөдөгү малдын башына санак жүргүзүү жөнүндө чечим кылды. Бул иш чаранын максат-мааниси жөнүндө Мамлекеттик ветеринардык департаментинин жетекчиси Калыс Жумаканов “Азаттыктагы” маегинде айтып кетти.
Жакында мамлекеттик архив агенттиги улуттук тарыхтын учурдагы проблемаларын талкуулаган конференция өткөрдү. Анда козголгон ой-пикирлер жөнүндө “Азаттыкка” архив агенттигинин кызматкери, белгилүү журналист Кадыр Кошалиев маек куруп берди.
Бирдиктүү элдик кыймылга баш кошуп жаткан саясий күчтөрдүн башкы максаты – Бакиевди бийликтен оодарып түшүү болуп саналат. Бул жөнүндө бүгүн “Азаттыктагы” маегинде “Элдик революциялык кыймылдын” лидерлеринин бири Топчубек Тургуналиев билдирди.
Укук коргоочу Акин Токталиев Меккеге ажылык сапарга барып келди. Ал ажылык сапардын жүрүшүндө көргөн-билгенин “Азаттыкка” айтып берди.
Дагы жүктөңүз
